It(em) op de calaengie die ja(n) lonijs gedaen heeft voir de(n) rade/ vander stad jege(n) jouffr(ouwe) mag(dale)[ne] wed(uwe) dierix wile(n) va(n) lang/ rode zijnre sust(er) alse va(n) dat hij hue(r) meynde te belette(n) vand(en)/ opgaende(n) houte staen(de) op de goede die ja(n) wile(n) lonijs hue(r)/ in huwelike geg(even) hadde te(n) ware dat zij alsnu coese met/ dien goede(n) hue(r) also gegeve(n) te vrede(n) te zijne sond(er) na huerre/ moed(er) doot voird(er) te wille(n) deylen D(aer) jege(n) de voirs(creven) jouff(rouw)/ seyde dat zij hoopte na rechte mette(n) voirs(creven) houte hue(re)n
//
en(de) goede(n) hue(r) in huwelike geg(even) hue(re)n wille te moege(n)/ doen so v(er)re zij des macht hadde vand(en) voirs(creven) wile(n) diericke/ en(de) dat zij niet gehoude(n) en soude zijn e(n)nige koese te doen/ voir na huerre moed(er) doot Es get(er)min(er)t dat de voirs(creven)/ jan met zij(n)re calaengie(n) v(er)doolt en(de) te vroech op is Ende/ oft hij int innebringe(n) vande(n) goede(n) die de voirs(creven) jouff(rouw)/ mag(dale)[ne] na huerre moed(er) doot en(de) nae recht sculd(ich) sal zij(n)/ in te bringe(n) alsdan e(n)nich gebrec heeft dat hij dat volge(n)/ mach met rechte Actu(m) in pleno (con)silio oct(obris) p(enu)lti(m)a

Dit zijn de wettelike costen die claes vand(en) putte/ alse geleidt [bij middele en(de) machte va(n) scepen(en) br(ieven) van loeven(e)] tot de(n) goede(n) gheerts lantmet(er)s en(de) jouff(rouwen)/ alite(n) vande(n) kerchove zijns wijfs int v(er)volge(n) der sake(n)/ gelede(n) heeft de welke hem met t(er)mi(n)acie(n) d(er) stad va(n)/ loeven(e) navolgen(de) de(n) eedt des voirs(creven) claes die hij/ lijflic gedaen heeft toegevuecht en(de) aenget(er)min(er)t zijn/ Inde(n) yersten heeft hij uutgeleecht voir d(er) he(re)n recht de vande(n)/ beleide dat hij dede op de goede pet(er)s ysabelen die tot alle(n) de(n)/ goede(n) have en(de) erve d(er) voirs(creven) gehuyssce(n) geleit was xxxi stuv(er)s/ It(em) van i sintbrieve om de goede gelev(er)t te hebben va(n) sc(ri)ven ii stuv(er)s/ It(em) gegeve(n) de(n) meye(r) va(n) oplyntre om de goede te leve(re)n voir zijne(n) wijn iiii st(uvers)/ It(em) doen dbeleit gesciede v(er)teert te loeven(e) bij brued(er) pet(er)en moens arde/ va(n) tolifa geswag(er)s d(er) voirs(creven) jouff(rouwe) alite(n) en(de) bide(n) voirs(creven) clase vand(en) putte xx st(uvers)/ It(em) d(air) na te iiii malen te loeven(e) v(er)teert bij de(n) voirs(creven) geswageren/ ende clase en(de) henr(icke) vand(er) luyte(n) int v(er)volge(n) vande(n) gedinge ii pet(er)s iiii(½) guld(en)/ It(em) noch hebben de voirscr(even) ard henric en(de) claes acht reysen te/ loeven(e) geweest om tsgedings wille verteert viii gul(den) ix stuv(er)s/ It(em) noch geleend der voirs(creven) jouffr(ouwe) een mudde corens xv st(uvers)/ It(em) betaelt aen pete(re)n va(n) viler van i(½) jare iii guld(en) rijnsch/ It(em) hier na midts onleden ende wed(er)stane vander univ(er)siteyt/ es claes alhier te loeven(e) gecome(n) te menigen stonden voir/ scepen(en) voir de stad en(de) and(er)s dat wel compt op x lichte guld(en)/ En(de) dan heeft de voirs(creven) claes he(m) halnoch verbonden voir scepen(en) va(n) lov(en)/ aen pet(er)en va(n) viler voir d(er) voirs(creven) jouffr(ouwe) voir ii guld(en) r(ijnsch) lijftochte(n)/ It(em) noch heeft de voirs(creven) claes te iii malen uutgegeve(n) xii stuv(er)s/ It(em) noch va(n) des(er) t(erm)i(n)acie(n) en(de) den sintbrieve tsame(n) vi stuv(er)s