It(em) de voirs(creven) guedinge mette(n) ouden brieve(n) der voirs(creven) goeden desgelijcx/ vander kynnisse(n) van lx rijders die joes van eze(re) den voirs(creven) ja(n)nese voirmaels/ gedaen heeft ende oic den brief vanden v crone(n) lijftochte(n) die baulduyn/ zoete te rechte [ov(er)] heeft ende voirt ov(er)gegeve(n) clase de gheyse(re) o(m)me te v(er)volge(n)/ op alle de p(er)soene inde(n) brieve begrepe(n) uutgenome(n) op diericke de/ voeght ende goesse(n) vande(n) vare(n)berg [en(de) ja(n)ne vand(en) hove] sulle(n) blive(n) alle tsame(n) onder/ scepen(en) va(n) loven(en) te des(er) meyni(n)gen oft de voirs(creven) goessen joes van/ eze(re) oft ande(r) in hue(re)n name jairlijcx betale(n) de vi rijders lijftochte(n)
//
die de voirs(creven) jannes ende claes voir dlossen vanden voirs(creven) v cron(en)/ mette(n) pachte ende coste dair op geloepe(n) v(er)cocht hebbe(n) tot den welcke(n)/ de voirs(creven) joh(ann)es en(de) claes den voirs(creven) joese de bladinge vande(n) voirs(creven)/ goeden te baten selen laten comen ende bynne(n) den voirs(creven) vi jae(re)n de selve/ vi rijders lossen alsoe dat jannes ende claes dair af ongescadicht/ blive(n) dat de voirs(creven) jannes ende claes in dien gevalle den/ voirs(creven) joese van ese(re) wed(er)o(m)me uut(er) voirs(creven) guedingen inde voirs(creven)/ goede en(de) tot joes coste vestigen sullen en(de) oft de voirs(creven) betali(n)ge/ en(de) lossinge alsoe niet en gesciede sullen de voirs(creven) jannes en(de)/ claes die goede selve moegen v(er)coepen en(de) die ten hoeghste(n) bringe(n)/ en(de) mette(n) pe(n)ni(n)gen dair af comen(de) de voirs(creven) vi rijders met coste/ en(de) comer die [sij] dair o(m)me soude hebbe(n) gehadt lossen en(de) tsurplus/ den voirs(creven) joese restitue(re)n Ende oft den voirs(creven) ja(n)nese en(de) clase/ de voirs(creven) goede e(n)nichsins onthogen worden alsoe dat zij daer mede/ de voirs(creven) lossinge niet en conste(n) gedoen dat zij hen dan metten/ brieve van lx rijders ende desgelijcx de voirs(creven) claes voir hem/ en(de) van [wegen] des selfs jannes mette(n) brieve vande(n) v croenen/ lijftochten sal moegen behulpen op de ghene die dair inne/ v(er)bonden staen uutgenoeme(n) den voirs(creven) goessen diericke en(de)/ jannese en(de) oft de voirs(creven) bladinge myn gedroege dan de/ voirs(creven) vi rijders sal de voirs(creven) goessen dat voldoen en(de) oft/ meer gedroege dat sal hem te baten comen en(de) oftmen/ der voirs(creven) ouder brieve hie(re)n bynne(n) behoefde der voirs(creven) rinte/ mede te v(er)volgen datmen die leve(re)n sal op cautie va(n) restitutie/ en(de) anders niet abs(oloens) oppend(orp) julii viii[a]