Vande(n) gedinge dat voir meye(r) en(de) scepen(en) va(n) loeven(e) geweest es/ tussce(n) gielise vande(n) torre nu t(er)tijt bailliu va(n) ha(n)nut in deen zijde/ en(de) ja(n)ne ha(n)narde die geleit is tot de(n) goede(n) have en(de) erve raes wile(n)/ del to(m)belle in dande(re) alse va(n) acht boende(re)n lants gelege(n) inde p(ro)ch(ie) va(n) viler/ bij ha(n)nut mette(n) vruchte(n) oft p(ro)ffite(n) d(aer) af va(n) desen jare gecomen die robb(er)t/ wilen du pont de welke getroudt hadde jouff(rouwe) johanne(n) weduwe des selfs/ wilen raes gecrege(n) hadde in zijne(n) vollen stoele metter selv(er) jouffr(ouwe) johanne(n)/ Op welke goede de voirs(creven) gielijs inde(n) hoff d(aer) onder die ware(n) gelegen/ met rechte so v(er)re hadde gevolcht dat he(m) zeke(re) vo(n)niss(en) d(aer) op aengewesen/ waren voe(r) gebrec dat hij hadde aen willem(me) va(n) herlinval die nu getroudt/ heeft de voirs(creven) jouffr(ouwe) johanne diens borghe hij gebleve(n) was aen wout(ere)n/ va(n) vertrike van xxx c(r)[o]ne(n) en(de) ix m(ud)[de(n)] rox dair in de voirs(creven) wille(m) va(n)/ herlinval va(n) wege(n) des voirs(creven) wile(n) robberts inde(n) voirs(creven) woute(re)n was/ gehoude(n) also de selve wout(er) meynde en(de) die voirts de selve woute(r) opde(n)/ voirs(creven) gielise met rechte en(de) vo(n)nisse hadde gecregen Meynen(de) de voirs(creven)/ gielijs dat hij bij de(n) voirs(creven) redene(n) op de voirs(creven) goede zijn gevorderde recht/ voirt co(n)tinuere(n) soude en(de) dat he(m) dbeleit des voirs(creven) jans ha(n)narts dat/ voe(r) tvercrige(n) der goede(n) gesciet was tot gheenre onstade(n) en soude conne(n)/ gecome(n) Dede oec lesen zeke(re) brieve d(er) stad va(n) bruessel d(aer) mede e(n)nige/ bij crachte van vo(n)niss(en) va(n) bruessel come(n) zijnde tot de(n) goede(n) des voirscr(even)/ willems va(n) herlinval hem oec gepijndt hadde de(n) voirs(creven) gielise/ inde(n) voirtganc va(n) zijne(n) gevorderde(n) rechte voirg(eruert) te beletten(e)/ dat hij voir wethouderen te bruessel alsoe v(er)antwerdt hadde alsoe/ hij seide dat hij des in zijne(n) gevorderden rechte ware gebleven/ hen getroestende tot der waerheit en(de) de(n) rechte vande(n) welken de/ voirs(creven) jan ha(n)narde hoopte de (contra)rie en(de) meynde bij div(er)sen redenen/ die hij dede cleeren bij de(n) welken hij onderwisen woude dat de/ brieve des voirs(creven) wout(er)s ware(n) voldaen dat he(m) en(de) zijne(n) beleyde/ de voirs(creven) goede sculdich ware(n) te volghen al waest dat hij bekinde/ datse na zijnen beleyde ware(n) gecregen Was gewijst te(n) ut(er)sten/ bijden he(re)n scepen(en) va(n) loeven(e) t(er) manissen smeyers na aensprake/ en(de) v(er)antwerde(n) va(n) beyde(n) p(ar)tie(n) dat de voirs(creven) ja(n) ha(n)narde met/ zijne(n) beleyde aende voirs(creven) goede v(er)doolt ware p(rese)ntib(us) o(mn)ib(us) scab(inis)/ dempto kers(makere) ja(nuarii) p(en)ult(ima)