Item vand(en) gedinge dat voir meye(r) ende scepen(en) va(n) loven(e) geweest/ es tusschen henricke vand(en) vynne die geleydt es totten goeden/ jouffr(ouwe) marien van eleshem weduwe daneels wijlen van laethem/ in deen zijde en(de) elias elias van hakendovel in dande(re) om de/ hueringe vand(en) cruysbeemde toebehoirende den goeden van eleshe(m)/ die de voirs(creven) elias in hueringe gehoud(en) heeft djaer van xlix [l] en(de)/ li en(de) die aen hem bestaedt wae(re)n met scepen(en) brieve(n) van/ thiene(n) daer hij hem dair af v(er)loefde bij janne vand(en) da(m)me en(de)/ janne vorman als voirgenge(re)n te dier tijt der jouffr(ouwe) van laethe(m)/ voirs(creven) en(de) uut crachte van eend(er) p(ro)curatie(n) den selve(n) twee/ voirgange(re)n voe(r) scepen(en) va(n) loven(e) daer voe(re)n gegeve(n) als dit al/ blijct bij scepen(en) brieve(n) h(ier) op gemaict van welcke(n) drie jae(re)n/ voe(r)geruert de voirs(creven) henric uut crachte van sijne(n) beleyde/ voirs(creven) begherde betalinge oft bewijssenisse die de voirs(creven)/ elias meynde dat hij niet sculdich en was te doene/ gemerct den brieve(n) voirs(creven) die hij exhibeerde En(de)/ want hij bij crachte van dien betalinge hadde gedaen/ den ghene(n) daer hij hem aen hadde v(er)loeft hopen(de)/ dair mede te gestane dwelc de voirs(creven) henr(ic) meynde/ dat hem noch zijne(n) scepen(en) brieve(n) voirs(creven) niet hynde(re)n/ en mochte Wert gewijst met desen woirden nae aensp(ra)ke/ en(de) v(er)antw(er)den van beyden p(ar)tien dat de voirs(creven) henr(ic)/ vanden vynne met zijne(n) beleyde aende hueringe vand(en)/ vand(en) voirs(creven) jae(re)n v(er)doelt wae(r) cor(am) om(n)ib(us) scab(inis) febr(uarii) vi[ta]