It(em) jouffr(ouwe) katline van bolenbeke in p(rese)ncia heeft gegeve(n) en(de) bekint/ dat sij gegeve(n) heeft met consente jans vand(en) berge die nae den/ rechte der stad va(n) loven(e) geleydt es tot alle(n) den goede(n) der selver/ jouffr(ouwe) henricke van ghent sone wijle(n) gielis de goeden hier nae/ bescreve(n) Inden yersten ii boend(er) lants geleg(en) inde p(ro)chie va(n)/ meysse op de heyde tussche(n) de goede scloest(er)s van grymbergen op/ deen zijde en(de) den aschwech op dand(er) zijde It(em) ii(½) dach(mael) lants/ geleg(en) inde voirs(creven) prochie op middelvelt naest den goeden des/ voirs(creven) cloesters It(em) ii(½) dach(mael) lants geleg(en) inde selve prochie/ inde plaetse geheete(n) ghere naest den goeden svoirs(creven) goeden scloest(er)s/ It(em) ii(½)dach(mael) lants geleg(en) inde voirs(creven) p(ro)chie op de plaetse geheete(n)/ bierbeke bij des voirs(creven) cloesters goede It(em) ii(½) dach(mael) lants geleg(en)/ inde p(ro)chie voirs(creven) opde(n) hasselde(n) berch tusschen pete(re)n janne de coste(re)/It(em) en(de) der kinde(re) machiels goede It(em) een dach(mael) beemts geleg(en)/ inde p(ro)chie voirs(creven) t(er) plaetse(n) geheete(n) rode Te houden te hebben/ en(de) te wynne(n) van inganc merte int jair xiiii[c] liii lestleden/ eene(n) t(er)mijn van sesse jae(re)n deen nae dand(er) sonder middel/ volgende elx jaers dae(re)n bynnen o(m)me vii(½) mudde corens/ der maten en(de) pacht va(n) loven(e) [en(de) iiii ganse] alle jare tsinte andries misse/ apostels te betalen(e) en(de) te loven(e) [te leve(re)n] ten huyse des voirs(creven) jouffr(ouwe)/ In desen es vorwerde dat de voirs(creven) wyn betalen sal den/ co(m)mer uutte(n) voirs(creven) goede(n) goede(n) [gaende] alsoe in tijts dat der voirs(creven)/ jouffr(ouwe) d(aer)af egheen scade en come It(em) sal de voirs(creven) wynne/ bynne(n) den voirs(creven) t(er)mine de voirs(creven) lande eens wel en(de) loflijc ov(er)meste(n)/ It(em) sal de voirs(creven) wynne de voirs(creven) goede laten staen met wynt(er)/ stoppele(n) uutgesceyden ii(½) dach(mael) die hij sal laten staen met/ som(er)stoppele(n) It(em) de brake [te wete(n) ii(½) dach(mael) op bierbeke velt] sal de wynne geve(n) ii getige vore(n)/ opp(endorp) velde m(ar)cii xxvi