Op de sake va(n) gedinge die voir meye(r) ende scepen(en) va(n) loeven(e)/ gehangen heeft tusscen janne va(n) bierbeke sone wilen jans die gegoedt/ is in een halff boend(er) lants godev(ar)ts wilen va(n) bierbeke gelege(n) te bierbeke/ op tvelt gehete(n) erpendal tussce(n) de(n) goede(n) henricx vande(n) lootsberge/ en(de) gorts vand(er) bueken in deen zijde en(de) ja(n)ne va(n) raetshove(n) met jouffr(ouwe)/ johannen zijne(n) wive in dande(re) alse vande(n) po(n)tpe(n)ninge(n) des selfs goets/ die de voirs(creven) gehuyssce(n) meynde(n) midts datmen dat chijslijc van hen hielde/ als gronthee(re) dat he(n) sculdich ware te volge(n) oft zij souden d(aer) op voirt/ volgen in hueren hoff met rechte Vanden welken de voirs(creven) jan van/ bierbeke hielt de (con)trarie en(de) en bekinde met hen dair af gronthe(re)n/ te wesen(e) mair seyde dat hij de(n) geheele(n) pontpe(n)ni(n)g des selfs goets/ onder scepen(en) va(n) bierbeke hadde gesedt en(de) dat de(n) voirs(creven) gehuysscen/ gecu(n)dicht hopen(de) d(aer) mede te gestane Dwelc de selve gehuysscen meynde(n)/ dat hen niet ontdiene(n) en soude om dat hue(r) in huere(n) hoff en(de) onder/ huer late niet gesedt en was Werdt gewijst bij de(n) he(re)n scep(enen) va(n) lov(en)/ t(er) manissen smeyers dat zij p(ar)tie(n) sedten inden hoff recht te geve(n) en(de)/ te nemen p(rese)nt(ibus) o(mn)ib(us) scabinis ap(ri)lis xxiiii