Item vanden stoote opverstaen tusschen wille(m)me de corenne die met/ willa(m)me de bordeal droddeal geleit is totten goeden reyners del/ motte geheten de bordeal in deen zijde en(de) jehan maistre ernoul/ in dande(re) alse vanden costen die de vors(creven) willem de core(n)ne gedae(n)/ heeft int vervolgen der questien die geweest is tusschen de p(ar)tien/ om der xiiii mudden corens die de geleidde yesschen den vors(creven) ja(n)ne/ maistre ernoul en(de) des dair aen cleeft Hebben [hen] de vors(creven) p(ar)tien ghe/ submitteert in segge(re)n en(de) vrendelike effene(re)n te weten(e) de vors(creven)/ geleide in pete(re)n van dongelbert en(de) de vors(creven) jan in ernart de/ grand sart Bij also dat zij de sake ov(er)hoert en(de) wail v(er)staen/ hue(r) uutsprake doen sullen tusschen dit en(de) sondaghe avont/ naestcomen(de) op dat sijs eens sijn en(de) oft zijs niet eens en wordde(n)/ sullen sij eenen overman kyesen die hen gelieft die sijn uut/ sprake doen sal tusschen dat en(de) meydach vervolgen(de) Ende/ oft gebrec wae(r) inde seggers dat sij altijt ande(re) gelike p(er)sone/ nemen sullen promitt(entes) ratu(m) It(em) de vors(creven) corenne heeft geloeft/ willa(m)me droddeal in dien te hebben dat hij des vors(creven) is/ goet vast en(de) van veerden houden sal velde pryke(re) ap(ri)lis xxv