Item her claes vilain ridder hee(re) va(n) lyekercke (et)c(etera) sone he(re)n adriaens/ wilen villains ridders in p(rese)ncia heeft gekint en(de) gelijdt dat hij/ gehave(n) ende ontfange(n) heeft bij handen meest(er) gielijs dunt en(de) laureys/ colijns aut van he(re)n clase van s(in)te goericx ridde(r) meye(r) va(n) loeven(e) de/ juweelen hier na verclaert de welke de voirs(creven) h(er) claes vilain de(n)/ voirs(creven) he(re)n clase va(n) sinte goericx in handen gesedt en(de) gelev(er)t heeft met/ rechte als pant voir de so(m)me van lvi guld(en) pet(er)s lijfrente(n) staende tot/ diversen liven dair inne de voirs(creven) her claes zijn heffen hadde en(de)/ die de voirs(creven) her claes villain aenden voirs(creven) he(re)n clase van s(in)te goerix/ afgequijdt heeft Te wete(n) inde(n) yerste(n) ii silvere(n) stoepe wegen(de) xii/ marct It(em) ii vierendeel wegen(de) acht marct It(em) ii stoepe wegende/ x m(ar)ct iii oncen It(em) i vierendeel wegen(de) iiii marct vii once(n) It(em) xii/ silve(re)n scalen wegende xi marct ii oncen It(em) noch x schalen met ver/ gulden(en) boorden inde bodem gepuckelt wegende xiiii m(ar)ct x oncen/ It(em) eene(n) v(er)gulden(en) waterpot wegen(de) xiii oncen It(em) i v(er)guldene(n)/ overdecten croes op voete(n) staende wegende xii oncen It(em) i v(er)guld(enen) wat(er)pot wegende i marct vii(½) oncen It(em) ii apullen va(n) vi(½) oncen/ It(em) xii lepele van xiiii once(n) xvii yng(elsche) It(em) i silve(re)n pot va(n) iii/ marct v oncen It(em) i silve(re)n pot wegende iiii m(ar)ct vii oncen/ It(em) i v(er)gulden(en) ov(er)decten croes wegende ii marct iii oncen xv ing(elsche)/ It(em) i v(er)gulden(en) wat(er)pot bove(n) met i blauwer bloemen wegende/ xiii oncen xv yng(elsche) It(em) en(de) ii silve(re)n peere(n) wegende viii oncen vii/ yng(elsche) Sceldende volcomelijc quite de(n) voirs(creven) he(re)n clase va(n) s(in)te/ goericx en(de) alle ande(re) des quitan(cie) behoevende vande(n) voirs(creven)/ juweelen geloven(de) hem uut ocsuyn van dien noch des d(aer) uut/ gesproten is va(n) lijfrente(n) oft anders ne(m)m(er)meer aen te spreken bij/ hem selven noch nyemande anders in gheene(n) rechte gheestelijc/ noch weerlijc maer van dien jege(n) eene(n) yegelike(n) recht warant/ te zijne cor(am) abs(oloens) p(ri)ke(re) ap(ri)lis xxviii