It(em) tvo(n)nisse der scepen(en) va(n) loeven(e) t(er) begh(er)te(n) des voirs(creven) gorts en(de) t(er) manisse(n)/ smeyers behoirlijc gewijst zijnde waert inde voirs(creven) goeden ende tchijse/ gegeodt en(de) geerft tot eene(n) erflike(n) rechte gielijs bode inde(n) name en(de)/ tot behoef d(er) p(ro)visore(n) en(de) mo(m)bore(n) d(er) febriken vand(er) kercken van/ sinte pet(er)s te loeven(e) nu zijnde en(de) namaels wesende bij manisse(n)/ / en(de) orlove des voirs(creven) meyers va(n) loeven(e) ende vo(n)nisse d(er) scepen(en) va(n) lov(en)/ hier ond(er) bescreve(n) de voirs(creven) goede en(de) chise in title va(n) wettige(n) coepe/ te besitte(n) Behoudelijc de(n) voirs(creven) roelove roelofs sijn vry tocht zijn/ leefdage lang inde selve goede en(de) chise Talsulker meyni(n)ge(n) en(de) (con)dicie(n)/ dat de voirs(creven) p(ro)visore(n) en(de) mo(m)bore(n) ten tide zijnde t(er) stont na de doot/ des voirs(creven) roelofs alle de voirs(creven) goede chise en(de) rinte(n) aenveerden/ inne heffen en(de) regere(n) selen sonder wedersegge(n) vande(n) erfgename(n)/ des voirs(creven) roelofs ende distribuere(n) deen helicht va(n) alle de(n) bate(n)/ en(de) p(ro)fite(n) d(er) selver telker tijt als die vallen en(de) v(er)schijnen in hande(n)/ magriete(n) roelofs docht(er) des voirs(creven) roelofs tot huerre nootdorst en(de)/ bijleni(n)ge(n) behoeff huer leve(n) lang en(de) dand(er) helicht soe lange zij leeft/ en(de) oec de geheele bate(n) en(de) p(ro)fite(n) voirg(eruert) als de voirs(creven) magriete/ aflivich sal zijn sele(n) de voirs(creven) p(ro)visore(n) en(de) mo(m)bore(n) distribuere(n) en(de)/ uutgeve(n) na huerre (con)sciencie(n) inder meest(er) eeere(n) orboe(r) p(ro)fite en(de)/ voirtkeeringe(n) vanden wettige(n) kijndere(n) der selver magrieten die zij/ heeft oft hier namaels gec(ri)ge(n) sal moege(n) In sulker vuege(n) dat de selve/ p(ro)visore(n) en(de) mo(m)bore(n) voir al uute(n) voirs(creven) gemeyne(n) goede(n) en(de) chise(n) jaerlijcx/ na doot des voirs(creven) roelofs neme(n) sele(n) ii guld(en) salute en(de) die betale(n) de(n) meest(er)s/ vand(er) dist(ri)bucie(n) d(er) capellane(n) vand(er) kercke(n) va(n) sinte pet(er)s te loeven(e) die/ dair voe(r) tot ewige(n) dage(n) sculdich selen sijn alle weke(n) des goensd(aeghs) te/ doen celebrere(n) i misse opde(n) outaer va(n) sinte cornelijs inder selv(er) kerke(n)/ bij de(n) voirs(creven) roelof gedoteert bove(n) de misse die d(aer) nu op zijn geordin(er)t/ dagelijcx gedaen te worde(n) En(de) voirts sele(n) zij vande(n) selve(n) goede(n) en(de) chise(n)/ voir den last huerd(er) a(m)mi(ni)stracie(n) in desen te henw(er)t moege(n) neme(n)/ en(de) behoude(n) jaerlijcx om te bekeere(n) dairt hen gelieft vier guld(en) r(insch)/ d(er) vier coirvorste(n) munte(n) voir datu(m) va(n) desen gemunt [met (con)dicie(n) oec waert sake dat de voirs(creven) magriete sond(er) wettige geboirte va(n) hue(re)n live acht(er) te late(n) aflivich worde dat dan alle de selve goede chise en(de) rinte(n) gedist(ri)bueert sele(n) worde(n) te wete(n) deen vierendeel d(aer) af d(er) fabrike(n) d(er) kerke(n) va(n) s(in)te pet(er)s voirs(creven) deen helicht vande(n) ande(re)n drie vieredeele(n) den wettige(n) en(de) naeste(n) erfgename(n) d(er) selv(er) magriete(n) van des voirs(creven) roelofs huers vad(er)s zijden en(de) dand(er) helicht d(aer) af de(n) wettige(n) en(de) huere(n) naeste(n) erfgename(n) vander zijde(n) wile(n) mag(ri)te(n) die wijf was des voirs(creven) roelofs moed(er) d(er) voirs(creven) magriete(n)] cor(am) kers(makere)/ roel(ofs) opp(endorp) velde maii vii