Item na dien dat op heden voe(r) den raide vand(er) stat comen zijn/ willem van houshoyt in deen zijde en(de) lodewijc de h(er)toghe/ met janne van vorst man en(de) momboe(r) jouffr(ouwe) lijsbetten/ van landriesch in dande(re) van div(er)sen gescillen die zij/ hadden spruyten(de) en(de) oirspronc nemen(de) uuten vo(n)nisse(n)/ tusschen hen gewijst en(de) in des(er) came(re)n geregistereert/ opden xvii[te(n)] dach van meye lestleden So heeft/ de raet vand(er) stat de vors(creven) p(ar)tien int lange ende/ tvoirs(creven) vo(n)nisse aengehoert get(er)mijneert des hier/ na volght Inden yersten want de vorscr(even)/ willem seyde dat hij de possessie vand(en) goede(n)/ int vors(creven) vo(n)nis begrepen hadde al eer de vors(creven)/ lodewijc met zijnen beleide dat hij hadde opde/ goede d(er) vors(creven) gehuysche hem bijden officier mits/ brieve(n) va(n)der stat sijn hadde dair af hadde doen doen/ evenverre dat also is dat hij inde selve possessie/ bliven sal niet tegenstaende den vors(creven) beleide tot/ d(er)re tijt toe dat hij dair uut gewonnen zal/ wordden dair dat behoe(re)n zal Hier inne versien/ dat de vors(creven) lod(ewijc) noch zijn medep(ar)tien den/ vors(creven) wille(m)me sond(er) myddel van hofrechte voir/ scepen(en) van luydic niet betrecken en zal het/ en wae(re) dat beyde de p(ar)tien dat (con)senteerde(n)/ Item dat de vors(creven) lod(ewijc) oft zijn medep(ar)tien hue(r)/ recht oft zij e(n)nich [meynen te] hebben totten selven goeden/ innesetten sullen tusschen dit en(de) sinte pet(er)s dage/ inganc oeghst ter plaetsen dair dat behoirden/ den vors(creven) vo(n)nisse geschien mach en(de) oft In welken/ gevalle de costen bijden vors(creven) wille(m)me geeyst vand(en)/ vors(creven) vorsten gedinge zullen berusten totten eynde/ vand(er) saken en(de) oft zij des niet en daden zulle(n)/ zij de selve costen den vors(creven) s(in)te pet(er)s dach leden/ zijnde den vors(creven) wille(m)me restitue(re)n t(er) ordinancien/ vand(er) stat va(n) lov(en) act(um) in pleno (con)silio junii xi