It(em) alsoe voer den rade vander stad seke(r) gescille opv(er)staen was tussche(n) cornelise/ van bergen ter eend(er) zijden ende clase de kersmake(re) t(er) ande(re) om xv holl(ansche) guld(en)/ erftsijs ende renten die de voirs(creven) cornielis als man ende momboer jouffrouwe(n)/ ghertrud(en) wijlen van liefkenrode sijnder huysvrouwen heeft jaerlijcx nae uutwijsen/ van zeke(re)n scepen(en) brieve(n) van deylinge(n) gemacht voermaels tussche(n) janne/ wilen pynnock sweer des voirs(creven) claes en(de) henric wilen van liefkenrode sweer/ des voirs(creven) cornielis op de goede des voirs(creven) claes inder selv(er) deylinge(n) de(n) voirs(creven)/ wilen janne pynnock d(air) op aengedeylt voe(r) welke hollan(sche) guld(en) de voirs(creven)/ cornelis meynde xvi stuv(er)s tontfangen Ende de voirs(creven) claes meynde de/(con)t(ra)rie ende bij div(er)sen reden(en) ende principalic ond(er) den ande(re)n om deswille dat/ de selve brieve hielden xv holl(ansche) guld(en) oft ii crone(n) vand(er) lichte(n) ghewichte/ voe(r) datu(m) sbriefs gemunt oft de werde van dien voe(r) iii [d(er)] selv(er) guld(en) altoes/ gherekent uuten welken hij kiesen mochte welc hij woude vande(n) voirs(creven)/ ii payen en(de) seyde alsoe voert dat die crone(n) die de selve brieve begrepen/ hadden gevalueert stoenden inde ordinancie vand(en) landen op v s(cellingen) iii d(enieren) ende dat/ hij d(air) om met dien soude gestaen Vanden welken de voirs(creven) cornelis hielt/ de (con)trarie ende seide dat sulke crone(n) als te dier tijt gemu(n)t wae(re)n beter/ dan xxiiii stuv(er)s in weerden ende alloye gedragen soude ende dat hem/ die werden souden oft te mynsten de val(eur) vanden holl(ansche) guld(en) alsoe die/ biden lande gesedt wae(re)n Daer op de voirs(creven) claes replicerende seyde ende/ hoepte want des voirs(creven) cornelis brieve hielden alsulke crone(n) oft de werde/ ende die niet hoege(r) en wae(re)n ghesedt dat hij metter valuacie(n) ende paye(n)/ alsoe hij voe(r) gesedt hadde ende dat hij vand(en) ii kiesen [welcke hij kiese(n)] woude gestaen/ soude Soe wert hier op ten uut(er)sten get(er)mineert biden vollen rade/ / vander stad bij vollen gevolge dat de voirs(creven) claes gestaen soude vanden voirs(creven)/ renten met te betalen ii guld(en) cronen tstuck te xxi stuv(er)s voe(r) iii/ holl(ansche) guld(en) soe lange dat byden gemeynen lande andere ordinancie opde/ mu(n)te ende sunderlinge opde voirs(creven) crone(n) soude sijn gemaect ende ge/ ordineert p(rese)nt(ibus) abs(oloens) dyeven junii xxi