Wij velde m(er)cels scep(enen) te loeven(en) doen cond alle(n) liede(n) dat navolgen(de) de(n)/ co(m)p(ro)missen onlanx voir scepen(en) va(n) loeven(en) gesciet tussce(n) als vande(n) gescille/ dat was tussce(n) janne joyaert gehete(n) coysken in deen zijde en(de) mychiele/ vand(er) voirt gehete(n) de becke(re) in dande(re) alse va(n) seke(re)n goede(n) en(de) rinte(n)/ gelege(n) tarscot die wile(n) toe te behoire(n) plage(n) g(er)trude(n) va(n) ekelhove(n) t(er)tijt als/ zij leefde (et)c(etera) Sijn op hede(n) voir ons come(n) gord h(er)meys henric de/ v(er)mere meest(er) mahieu de layens en(de) jan platteborsse alle viere segge(re)n/ en(de) vriend(elike) yffene(re)n d(er) voirs(creven) p(ar)tien ende hebbe(n) hue(r) uutsprake d(aer)af/ eendrachtelijc gedaen binne(n) de(n) tide vander voirs(creven) (com)p(ro)misse ind(er) vuege(n)/ en(de) manieren hier na volgende Inde(n) yersten dat de voirs(creven) jan joyaert/ hebbe(n) en(de) besitte(n) sal alle ende yegewelke de goede en(de) rinte(n) gebleve(n)/ na de doot der voirs(creven) wile(n) g(er)trude(n) sijne(n) leefdage lang en(de) niet lang(er)/ sonder de(n) voirs(creven) mychiele dair inne e(n)nich recht te hebbe(n) uutgesceide(n)/ een ame wijns d(aer) af de voirs(creven) mychiel de possessie heeft de welke hij/ sijn leefdage lang behoude(n) sal Voirt es hue(r) segge(n) dat de voirs(creven) mychiel/ jan de(n) voirs(creven) mychiele jaerlijcx te kersmisse gheve(n) en(de) betale(n) sal iiii hollan(sche)/ gulden(en) te xvi stuv(er)s stuc lijftochte(n) te(n) live des voirs(creven) mychiels It(em) sal de
//
voirs(creven) mychiel alle de brieve rolle(n) en(de) gescrifte(n) tsijnre eedt de(n) voirs(creven) goede(n)/ aengaende bringe(n) ond(er) scepen(en) va(n) loeven(en) om d(aer) mede de(n) voirs(creven) janne/ zijn leefdage lang alle behulp [va(n) rechte] te doene en(de) te gesciene en(de) na he(m) die/ te volge(n) d(aer) dat va(n) rechte behoire(n) sal It(em) oft de(n) voirs(creven) janne dese/ voirs(creven) goede met rechte afgewonne(n) worden es der voirs(creven) segge(re)n uutsprake/ dat hij der voirs(creven) iiii hollan(sche) guld(en) te ghelde(n) ongehoude(n) blive(n) sal/ En(de) va(n) alle(n) ande(re)n sake(n) dese(n) aengaen(de) sele(n) de voirs(creven) p(ar)tie(n) v(er)enicht ende/ geslete(n) blive(n) sond(er) d(aer) af deen de(n) ande(re)n voirtane teyssce(n) oft te vexere(n)/ in e(n)nige(n) rechte gheestelic oft weerlijc It(em) voirt sal de voirs(creven) jan sijn/ beleyt quite scelde(n) t(er) manisse(n) des voirs(creven) mychiels dat hij heeft opde/ voirs(creven) goede also v(er)re dat hinde(re)n mochte des voirs(creven) es en(de) hij sal oec/ op sijne(n) last de(n) voirs(creven) mychiele h(ier)af doen hebbe(n) sijn brieve en(de) behoefte/ alsoe dats de selve mych(iel) te vrede(n) sijn en(de) blive(n) moege sept(embris) x ult(ima)