Item alsoe in rechte come(n) zijn voir meye(r) en(de) scepen(en) va(n)/ loven(en) henric de gouwe(re) de jonge als mo(m)boir machtelde(n)/ tielens sijns wijfs docht(er) na(tuer)lec henr(ix) wijle(n) tielens/ aenlegge(r) in deen sijde en(de) wout(er) de hane v(er)weerde(r) in/ dande(re) aldair de voirs(creven) henr(ic) den voirs(creven) wout(ere)n aensprac/ seggende onder den ande(re)n dat de erfgename(n) des(er)/ voirs(creven) wijle(n) henr(ix) tielens in handen gegeve(n) hadden/ yvete(n) tielens de so(m)me va(n) xxv rijders om die voirt/ te kee(re)n ten p(ro)fijte der voirs(creven) machtelde(n) en(de) welcke/ so(m)me aengeleeght werdt alsoe verre dat die gedroech/ t(er) so(m)men va(n) xli rijders en(de) alse der voirs(creven) yvete(n) man/ aflivich was worden heeft de voirs(creven) wout(er) de hane/ die so(m)me ontfangen Seide voirt de voirs(creven) henric/ dat nae doot gielis tielens de voirs(creven) wout(er) gekint/ hadde dat hij van wegen der voirs(creven) machtelt onder/ hadde lx rijders welcke pointe de voirs(creven) henr(ic) boet/ te thoene(n) hopende want hij der voirs(creven) machtelde(n)/ getrouw hadde des hij hem oic wairheit v(er)mat
//
dat hij hem de lx rijders voirs(creven) oplegge(n) soude en(de) oic/ xii rijders van v(er)lopend(er) rinte(n) der selver Op dwelc/ de voirs(creven) wout(er) in sijne(n) v(er)antw(er)den ontkynen(de) dbijlegge(n)/ des voirs(creven) henr(ix) dede seggen dat hij zeker lijftocht br(ieve)/ onder hadde staende ten live der voirs(creven) machtelde(n) en(de)/ van des voirs(creven) wout(er)s kinde(re) die hij inde(n) rechte dede/ lesen p(rese)nte(re)nde huer de helicht van dien nae sijn doot/ te late(n) volgen hopende met dien te gestaene ende/ de scepen(en) van lov(en) den voirs(creven) henr(icke) gewijst hebben tot/ sijne(n) bethoene aldaer hij bijbrachte dat de voirs(creven) wout(er)/ de voirs(creven) xli rijders hadde gehave(n) en(de) voirt gekent/ voir goede manne(n) dat hij va(n) wegen der selver machtelde(n)/ onderhadde lx rijders Soe es uut(er)lijc gewijst nae/ aensprake v(er)antwerden en(de) thoenisse dat de voirs(creven) wout(er)/ gehoude(n) sijn sal den voirs(creven) henr(icke) op te legge(n) de voirs(creven)/ so(m)me van xli rijders oft hem die bewijsen in lijfrinte(n)/ tot hue(re)n live gecocht voir desen dach en(de) desgelijcx hem/ oic voldoen in geliker manie(re)n alle tghene des vand(en)/ voirs(creven) xli rijders [zijder dier tijt] in bate oft p(ro)fijte gecome(n) es en(de) dat/ t(er) eedt des selfs wout(er)s en(de) daer mede gestaen p(rese)nt(ibus)/ omn(i)bus scab(inis) oct(obris) xvii