SAL7348, Act: V°196.2 (343 of 662)
Search Act
previous | next
Act V°196.2  
Act
Date: 1455-01-02

Transcription

2019-10-21 by Jan Boncquet
It(em) rombout va(n) berlair in p(rese)ncia heeft v(er)huert en(de) bekint dat hij/
v(er)huert heeft willem(me) vande(n) moirte(re) hantscoemake(r) de helicht vande(n)/
huyse met zijne(n) toebehoirte(n) gehete(n) ingelant alsoet nu gelege(n) es/
inde steenstrate tussce(n) de wed(er)helicht des voirs(creven) ro(m)bouts en(de) den/
goeden pet(er)s potent Te houde(n) en(de) te hebbe(n) van sintjans(messe) baptiste(n)/
naestcomen(de) i t(er)mijn va(n) sesse jare(n) lang deen nae dande(r) sonder/
middel volgen(de) elcx jaers dare(n)binne(n) om en(de) voe(r) xi(½) guld(en)/
pet(er)s mo(ne)[te] te xviii st(uvers) stuc alle jae(re) ts(in)tjans(messe) te bet(alen) de(n) voirs(creven)/
t(er)mijn dueren(de) q(u)[o]l(ibet) ass(ecutu)[m] It(em) es vorwerde dat de voirs(creven) p(ar)tie(n) va(n)/
malcande(re)n talle(n) halve jare sceyde(n) moege(n) alst hen gelieft bij/
also dat de ghene die also scheyde(n) wilt den ande(re)n dat/
een half jaer te voe(re)n segge(n) en(de) cundige(n) sal It(em) mach de voirs(creven)/
willem op dat he(m) gelieft de strate voe(r) tvoirs(creven) huys doen ver/
heffen en(de) een deecxken bove(n) de vynstere(n) doen maken op zijne(n)/
cost Bij also geliefde den voirs(creven) romboude dat deexken taenv(er)de(n)/
tsijne(n) afscheyde(n) dat hij dat sal moege(n) doen bij also [op] dat hij de(n)/
voirs(creven) willem(me) betale dat he(m) tselve deexke(n) gecost heeft It(em)/
sal de voirs(creven) rombout de voirs(creven) woeni(n)ge houde(n) wel en(de) loflijc/
va(n) wande en(de) va(n) dake de(n) voirs(creven) t(er)mijn dueren(de) op sijne(n) cost/
It(em) es noch bevorwert dat de voirs(creven) willem int yerste jaer/
de(n) voirs(creven) romboute geve(n) sal i naessack oft ix st(uvers) d(aer) voe(r)/
sond(er) afslach vande(n) voirs(creven) xi(½) pet(er)s En(de) alle dese vorwerde(n) cor(am)/
opp(endorp) p(ri)kere ja(nuarii) ii
Contributorskristiaan magnus
Moderated bykristiaan magnus
Last update: 2016-10-25 by Xavier Delacourt