Item roelof van erpe cledermake(r) woenen(de) inde dorpstrate in p(rese)ncia/ heeft oppembaerlic gekint en(de) gelijdt dat hij uut sijnen huyse mett(er)/ toebehoerten voe(r) en(de) achter geheten den roelant gelegen inde vors(creven)/ strate tusschen henr(ickx) vand(en) berghe goede en(de) der vruwen sriken dwelc/ toete behoe(re)n plach willem(me) wilen geldens en(de) marie(n) sijne(n) wijve/ en(de) hij gecregen heeft tegen lijsbetten heydemans docht(er) lodewicx/ heydemans dien tselve huys en(de) hof vanden vors(creven) wilen gehuyssche/ in testamente was gelaten jaerlix en(de) erflic sculdich is twee/ guld(en) cronen d(er) mu(n)ten sconi(n)cx van vrancrijke goet en(de) ghinge/ alle jae(re) vallen(de) half te kersmesse en(de) half ts(in)t jansmisse te/ weten(e) die ii cronen die tselve testament v(er)cleert dat de selve/ gehuyssche laeten en(de) besetten op tvors(creven) huys voe(r) eene weekmesse/ diese erflic en(de) e(m)mermeer dair ov(er) en(de) voe(r) wouden hebben/ gedaen Ende vort heeft de selve roelof bij (con)sente d(er) vors(creven) lijs(betten)/ die hem warantscap d(er) vors(creven) goede geloeft heeft gekent/ inder maten als boven dat de [meest(er)s d(er)] brued(er)scap van s(int) joes te/ wittevruwen de selve twee cronen sculdich sall [selen] sij te heffen/ so lange zij doen doen den dienst vand(er) vors(creven) messen en(de) vortane/ altijt dande(re) die bij ordinancie d(er) executue(re)n en(de) testamenteurd(ere)n
//
der vors(creven) wilen gehuyssche de vors(creven) messe doen sullen in nacomen(de) tijden/ en(de) de vors(creven) lijsbeth heeft gekint dat dese kynnesse den vors(creven)/ roelofve aen sijn warantscap bij hue(r) gedaen gheen p(re)judijs doen/ en sal en(de) dat de vors(creven) ii cronen ind(er) so(m)men genoempt inder/ warantscap des selfs roelofs mede getekent wae(re)n roel(ofs)/ abs(oloens) aprilis ii