Item arnt morsels als geleit tot allen den goeden have en(de) erve/ barbelen opstrate die hij tot desen geloeft heeft te vervanghen/ in deen zijde en(de) reyne(r) opstrate neve der vors(creven) barbelen in dande(re)/ sijn met malcande(re)n eensworden en(de) ov(er)comen mynlic van/ alsulken stoote als zij underlingen hadden om vijf chijs gulden(en)/ erfliker renten aen en(de) op zeke(r) goede gelegen te courssele lodewijcx/ becke(re) van courssele en(de) om een boend(er) lants luttel myn oft meer/ gelegen inde vors(creven) prochie op garmans lant inder manie(re)n hier/ na verclaert Yerst heeft de vors(creven) arnt den vors(creven) reyne(re)n ov(er)gegeve(n)/ en(de) gheeft over soe waer de selve reyne(r) sweret wis ten/ heyligen behoerlic voer wet te lu(m)men dat de vors(creven) vijf chijs/ guld(en) hem en(de) marien opstrate sijnd(er) moyen in deylingen gevalle(n)/ sijn en(de) hem en(de) hue(r) prop(er)lic toebehoe(re)n en(de) dat de vors(creven) barbele in/ die stat ande(re) goede toegevoeght wae(re)n de selve arnt sal hem/ de vors(creven) v chijs guld(en) ov(er)ledt laten volgen en(de) sijnen nacomelinge(n)/ en(de) inden gevalle oft de vors(creven) reyne(r) den eedt also niet doen en/ wilt sal der vors(creven) barbelen volgen en(de) hue(r) nacomelingen tderdel/ vanden vors(creven) v chijs guld(en) Vort sijn de vors(creven) p(ar)tien ov(er)come(n) alse/ vand(en) vors(creven) lande waer de vors(creven) barbele behoert ten heyligen/ sweert en(de) voer wet te lu(m)men dat de selve barbele tselve/ lant met hue(re)n prope(re)n pe(n)ningen gecocht en(de) wael betaelt/ heeft dat hue(r) dan o(n)verlet tvors(creven) lant volgen sal tot/ eeuwegen dagen en(de) inden gevalle oft zijs niet en dade/ soe sal tvors(creven) lant den vors(creven) reyne(r) volgen en(de) zijne(n) nacomeli(n)ge(n)/ Et sat(is) pryke(re) m(er)cels oct(obris) xxv[o]