SAL7348, Akte: V°164.1 (296 van 661)
Akte V°164.1
Act
Datum: 1454-12-02
Transcriptie
2019-10-10 door Jan BoncquetItem wij pryke(re) m(er)cels scepen(en) te loeven(en) doen cond allen lieden dat opten/
dach van heden voer ons comen sijn machiel absoloens ja(n)nes vanden/
hove arnold(us) kyp en(de) gerard(us) van baussele alse segge(re)n genome(n) bij [jouffr(ouwen) m(ar)griete weduwe] wijle(n)/
ja(n)se caluwart in deen sijde en(de) willem(me) van criefcourt in dande(re) alse vande(n)/
gescille dat sij jegen malcande(re)n hadden uutstaen(de) d(aer) af de submissie [tconpromis geratificeert w(er)t] naemaels/
bij coenrarde van elsloe natuerlec bij (con)sente arnts va(n) grave(n) en(de) jans/
vaddoule die nad(er) stad [recht] geleit es tot den goede(n) des voirs(creven) wijle(n) jans/
en(de) hebben binne(n) den tijde vand(er) submissien d(aer) af hue(r) uutsprake gedaen/
ind(er) manie(re)n hier na volgen(de) Inde(n) yerste(n) dat de voirs(creven) willem t(er) stont/
wed(er)om aenveerden sal alsulken goede alse hem toebehoire(n) en(de) peter/
wijlen caluwart voe(r) en(de) jan sijn soene nae eene(n) seke(re)n tijt va(n) jae(re)n/
gehouden hebben gelegen te loverengnez voer iiii mudde corens wav(er)sche/
erflijc en(de) die c en(de) ii p[l(acken)] erflik(er) rinten tsjaers die de voirs(creven) willem/
heeft op zeke(r) goede gelege(n) te wave(r) inde keestrate toebehoiren(de) den/
erfgename(n) symoens wijlen de cuype(re) En(de) al waert datme(n) naemaels/
bevonde dat de voirs(creven) wijlen pet(er) oft jan vand(en) voirs(creven) goede(n) e(n)nige guedi(n)ge/
oft vestich(eit) hadde datme(n) die a(n)nichele(ren) en(de) te nyeute doen sal Voert es/
hue(r) uutsprake dat van dien lxxii gripen die de voirs(creven) willem inde(n)/
wissel te loeven(en) gesedt hadde o(m)me d(aer) met de(n) voirs(creven) wilen ja(n)ne/
caluw(ar)t van seke(re)n gebreken te cuelen(e) de voirs(creven) coenrart als mo(m)boir/
sijns wijfs weduwe des voirs(creven) wijlen jans trecken sal de xlvii ende/
de voirs(creven) willem de xxv van dien en(de) hier met selen de voirs(creven) p(ar)tijen/
beslicht en(de) v(er)enicht sijn van alle tgene des de voirs(creven) wijlen jan ende/
willem deen totten ande(re)n te seggen mochten hebben opde(n) dach als/
de voirs(creven) jan aflivich w(er)t Behalve(n) alleene dat de voirs(creven) willem/
een scale die de selve wijlen jan van hem onderhadde sal mogen/
quiten met drie grypen eens te xl pl(acken) tstuck al waert dat die/
bet(er) bevonden wae(r) decembr(is) s(e)c(un)da
Nagekeken door: kristiaan magnus
Moderator: kristiaan magnus
Laatste update:: 2016-10-25 door Xavier Delacourt