It(em) joh(ann)es mottijn sone wile(n) mottijns woenen(de) te pet(er)meel in/ p(rese)ncia heeft genome(n) en(de) bekint da hij genome(n) heeft va(n) jacoppe/ va(n) dongelberge thoff des voirs(creven) jacops gelege(n) te pet(er)meel mette(n) huyse(n)/ hove(n) wy(n)nen(de) lande bempde(n) eeussele(n) en(de) ande(re)n toebeh(oerten) soe v(er)re/ de wy(n)ne(n) voirmaels en(de) de voirs(creven) jan tot de(n) dage va(n) hede(n) gehoud(en)/ hebbe(n) Te houde(n) te hebbe(n) en(de) te wy(n)ne(n) va(n) s(int)jans(misse) lestlede(n) eene(n)/ t(er)mijn va(n) nege(n) jare(n) lang v(er)volgen(de) elcx jaers om vijftich mudde/ corens de iideel t(er)we en(de) tderdel rogge(n) goet en(de) payabel d(er) mate(n)/ va(n) thiene(n) met wa(n)ne en(de) met vloegele wel bereyt alle jare tsinte/ andriesmisse ap(oste)ls te betale(n) Ite(m) (½) mudde ra[e]psaets (½) mudde erwete(n)/ d(er) mate(n) voirs(creven) viii stucke vlas wel bereyt elc stuc van iiii l(i)b(ra) en(de)/ x lichte guld(en) te x st(uvers) stuc tsinte remeysmisse te betale(n) en(de) te/ loeven(en) te(n) huyse des voirs(creven) jacops te leve(re)n q(u)[o]l(ibet) ass(ecutu)[m] It(em) de voirs(creven)/ wy(n)ne sal jaerlijcx de(n) scoliere(n) va(n) leeuwe geve(n) x(½) mudde en(de)/ daem va(n) kercke(m) xii mudde corens alsulke als de voirs(creven) jacop/ hen sculdich es en(de) die alsoe in tijts betalen dat de(n) voirs(creven) jacoppe/ d(aer) bij gheen scade en gesciede [sond(er) afslach] It(em) sal de voirs(creven) jacop jaerlijcx hebbe(n)/ half dooft op de voirs(creven) goede wassen(de) en(de) als dat geraect so sal de/ voirs(creven) wy(n)ne de(n) voirs(creven) jacoppe i voeder d(aer) af te loeven(en) leve(re)n met/ iiii p(er)den en(de) alsme(n) die leest sal de voirs(creven) jacop d(aer) eene(n) lese(r) sette(n)/ It(em) sal de voirs(creven) jacop te hemwert behoude(n) int voirs(creven) hoff de zale/ met alle(n) de(n) came(re)n en(de) soldere(n) bove(n) de selve zale om zijne(n) wille en(de) [en(de) coken(e)]/p(ro)ffijt d(aer) mede te doene It(em) de wijncame(r) en(de) de persse It(em) de(n) p(er)tstal/en(de) aende hoffporte om zijne(n) wille en(de) proffijt d(aer) mede te doene/ It(em) als de(n) voirs(creven) jacoppe d(aer) gelieft te woene(n) sal hij moege(n) houde(n)/ ii coey vier verken(en) ii dosijne hoende(re)n en(de) dan sal hem de wy(n)ne/ leve(re)n te wy(n)tertijde ii[c] schoeve stroes It(em) sal de wy(n)ne de(n)/ voirs(creven) jacoppe vuere(n) en(de) leve(re)n [alle jare] x voed(er) cort mest elc voed(er) met/ iii p(er)de(n) op zijne(n) wijng(ar)t ald(aer) gelege(n) zijn stake(n) dair h me(n)se he(m)/ op i myle na cope(n) sal op de(n) wijg(ar)t vuere(n) en(de) de(n) wijn als/ hij gesnede(n) es int voirs(creven) levere(n) It(em) sal de wy(n)ne voirs(creven) de
//
voirs(creven) goede zijne(n) t(er)mijn duerende houde(n) wy(n)nen ende werve(n) wel ende/ loflic gelijc reengenote(n) bove(n) en(de) benede(n) en(de) die late(n) tsijne(n) uutgane/ te wete(n) de braken iiw(er)ff geackert en(de) metter eechde(n) iiwerf/ gebroke(n) It(em) tsom(er)core(n) en(de) dwint(er)core(n) sal de wy(n)ne te(n) rechste na zijne(n)/ t(er)mijn indoen met des voirs(creven) jacops p(er)de ende h(ar)nassche en(de) dan sal de/ voirs(creven) wy(n)ne de(n) voirs(creven) jacoppe d(aer) af te(n) naeste tide bet de(n) scoliere(n)/ en(de) ada(m) van kerckem betale(n) alse voirs(creven) steet It(em) allet stroe/ vande(n) goede(n) jaerlijcx comen(de) sal de voirs(creven) wy(n)ne int hoff bringe(n) en(de)/ ette(n) met zijne(n) beesten te meste make(n) en(de) dat mest op tvoirs(creven)/ lant vuere(n) te(n) beste(n) profite uutgesceyde(n) te(n) leste(n) jare dan sal/ hijt int voirs(creven) hoff late(n) tot behoeff des voirs(creven) jacops It(em) sal de/ voirs(creven) wy(n)ne alle de bempde daers behoeft grechte(n) en(de) thuyne(n)/ wel en(de) loflijc en(de) de grechte(n) alo(m)me veeghe(n) ruyme(n) en(de) ryoele(n)/ en(de) die alsoe late(n) tsijne(n) afscheyde(n) It(em) es vorwerde dat de/ voirs(creven) wy(n)ne gheen goede meer te pachte neme(n) en sal noch/ nyeman(de) e(n)nige va(n) dese(n) goede(n) uutgeve(n) sond(er) wille ende/ consente des voirs(creven) jacops It(em) sal de voirs(creven) wy(n)ne de huysinge vande(n)/ voirs(creven) hove houde(n) va(n) vorste en(de) vand(er) und(er)ster rijkele(n) ned(er)/ weert op zijne(n) cost en(de) alle jae(re) leve(re)n int voirs(creven) hoff iiii[c]/ walme(re) alsulke alsme(n) d(aer)omtrint levert en(de) a om die ald(aer)/ te v(er)decken en(de) alsme(n) dair dect [oft van ande(re)n oude(n) wercke werct] sal de voirs(creven) wy(n)ne de(n) wercliede(n)/ de(n) montcost gheve(n) ende de voirs(creven) jacop sal de dachuere(n) betale(n)/ en(de) alle de(n) leem dieme(n) int voirs(creven) hoff orbere(n) sal dien sal de/ voirs(creven) wy(n)ne ald(aer) hale(n) en(de) levere(n) op zijne(n) cost It(em) sal de voirs(creven)/ wy(n)ne moege(n) sleene(n) en(de) stru(n)cke(n) de hage(n) en(de) tru(n)cboeme alse die/ tijtv(er)dich zijn om de goede mede te bevrede(n) en(de) tot zijnre b(er)ringe(n)/ behoef en(de) oft d(aer) e(n)nige willege(n) oft poepele(re)n v(er)droechde(n) die/ sal de wy(n)ne uutroede(n) en(de) voir elke d(aer) af ii ande(r) sette(n) vande(n)/ selve(n) aerde It(em) wa(n)t de voirs(creven) jacop de(n) voirs(creven) wy(n)ne geleent/ en(de) ghelev(er)t heeft int voirs(creven) hoff tsijne(n) income(n) des h(ier) nae/ volcht Te wete(n) in ghelde xvi pet(er)s te xviii st(uvers) stuc xxx/ mudde corens xxxiiii m(ud)[de] hav(er)neels i m(ud)[de] grauwer erwete(n)/(½) m(ud)[de] witter erwete(n) algad(er) mate(n) va(n) thiene(n) vii[c] schoeve/ vuesteringe(n) te wete(n) iii[c] grauwer erwete(n) en(de) iiii[c] schoeve
//
crucke(n) alsulke alsme(n) te pet(er)meel gemeynlijc maect So es/ vorwerde dat hij de(n) voirs(creven) jacoppe tsijne(n) uutgane die wed(er)o(m)me/ gheve(n) en(de) betalen sal t(am)q(uam) ass(ecutu)[m] kers(makere) abs(oloens) dec(embris) xxiii[a]