Item op heden als jan de wynne oer en(de) erfgename jans wilen/ godhebsdeel bijden raide vander stat ontbooden was om janne/ paredaen te vernuegen van alsulken wetteliken gebreken als hij aende(n)/ vors(creven) wilen janne godhebsdeel hadde geclaert bij seke(re)n t(er)mijnacien voer/ maels geloopen zijnde met waerscouwingen inden selven brieven den/ vors(creven) janne de wynne gedaen oft hij niet en quame datmen den
//
vors(creven) janne paredaen met alsulken scepen(en) brieve(n) beyde van loven(e) en(de) van/ bruessel als ond(er) de stat alhier lagen dair mede hij totten goeden des/ vors(creven) wilen godhebsdeel comen was vortane behulp doen soude om/ tot zijnen gebreken te mogen geraken En es de selve jan de/ wynne voer oogen niet gecomen nochtan dat de stat te bynnen was/ dat hij de brieve van ontfangen bescriven hadde ontfangen Dair om/ bijden raide vand(er) stat overdragen en(de) get(er)mineert is datme(n) den/ vors(creven) janne paredaen metten lovensche brieve(n) vors(creven) behulp doen/ zal en(de) de vors(creven) bruesselsche brieve op goede caucie wed(er) te bringe(n)/ laten volgen o(m)me zijn aengetermijneerde gebrec vorg(eruert) dair mede/ te verhalen opde goede inde macht van sijnen vors(creven) scepen(en)/ brieve(n) begrepen cor(am) abs(oloens) dieven burg(imagist)[ris] et plurib(us) aliis jan(uarii) x[a]