Tvo(n)nis vande(n) gedinge dat voir meye(r) ende scepen(en) va(n) loven(e)/ geweest es tusschen janne hellinc woenen(de) te velthem gielize/ conijn [gielise va(n) lieer] en(de) willem(me) conijn en(de) oic meeus meeus met her goirde/ welde prieste(r) daer zij alle samentlijc borge voir bleve(n) in/ deen zijde en(de) h(er) willem(me) va(n) bullestrate(n) prieste(r) die geleydt/ es totte(n) goede(n) henricx van bullestrat(en) zijns brued(er)s in/ dande(re) alse van ii mudde(n) corens erfs pachts die de/ voirs(creven) p(er)soene yesschen op huys en(de) hof henr(icx) van bullestrat(en)/ geleg(en) te velthem tusschen he(re)n willem(me) edelhe(re) en(de) willem(me)/ machiels Seggen(de) dat zij die d(aer) op gehadt en(de) gehave(n)/ hadden ov(er) xxx jae(re) en(de) dage en(de) d(aer)enbove(n) bieden(de) d(aer) af alreha(n)de/ thoenisse dwelc de voirs(creven) geleydde hen ont kinde(n) meynen(de)/ bij alrehande reden(en) dat de(n) voirs(creven) gront inde(n) voirs(creven) erfpacht/ niet gehoude(n) zijn en soude Was gewijst na aensprake en(de)/ v(er)antwerde(n) en(de) thoeni va(n) beyde de(n) p(ar)tien dat de voirs(creven) p(ar)tien/ d(aer) af voirtvare(n) soude(n) inde banc dair de goede hove(n) recht te/ neme(n) en(de) te gheve(n) cor(am) o(mn)ib(us) ex(cep)[to] kers(makere) ja(nuarii) p(en)ult(ima)