Item want jan maes als gelet totten goeden have en(de) erve aleiten/ vanden borne geheten laermans so v(er)re hue(r) die bleven zijn na/ doot arnts wilen melijs en(de) aleiten vander beke op heden hadde/ doen innescriven janne stouten en(de) andriese sijnen sone die hem/ ongebruyc deden vanden selven goeden aen een half boend(er) beemps/ gelegen te lynte(r) ter plaetsen geheten opdehoestrate tusschen tcloest(er)s/ goede van lynte(r) en(de) gheerde ve(re)nlarien aldair de selve twee/ p(er)sone noch gheen van hen niet comen en zijn Soe hebben/ de vo(n)nissen der scepen(en) va(n) loven(e) ter manissen smeyers gewesen/ datmen den vors(creven) janne mans houden sal inde macht/ van sijnen vors(creven) beleide so v(er)re het noch voe(r) hem comen is/ p(rese)ntib(us) o(mn)ib(us) scab(inis) aprilis xxix