Item want gheerd en(de) jan del haye gebruede(re) die geleit zijn nad(er)/ stad recht totten goeden have en(de) erve jans courtoys en(de) marien/ le coutellier zijns wijfs opden dach van heden hadden doen/ inscriven den bailiu en(de) meye(r) va(n) p(er)weys die hen aende goede/ h(ier)nae bescreven die d(er) voirs(creven) marien nae doode wijlen he(re)n/ hermans hu priest(er)s huers brued(er)s aengestorven wae(re)n ongebruyck/ deden te weten aen huys en(de) hoff met sine(n) toebeh(oirten) geleg(en)/ te p(er)weys t(er) plaetsen geheete(n) weys tussce(n) de goede jan boets/ aende den wech ald(aer) It(em) aen eene(n) hoff met sijne(n) toebehoirten/ geleg(en) neve(n) den wech gaende va(n) p(er)weys t(er) kerke(n) w(er)t ald(aer)/ en(de) de goede jans wijlen van brabant metten houte d(aer) op gemaect/ staende It(em) aen xx mudde rogx d(er) mate(n) va(n) p(er)weys erfrinte(n)/ op zeke(re) pande div(er)se p(er)sone(n) toebehoiren(de) tot p(er)weys en(de) d(aer) omtrint/ geleg(en) It(em) aen xii mudde cor(ens) die ombetaelt uutstaen aen/ reynuar ruttar It(em) aen xv lichte gul(den) die henr(ic) le cambier/ sculdich es It(em) aen iiii iii(½) pet(er) die colart de pont sculdich es It(em)/ aen iii schilde die reyne(r) vierton vorste(r) van p(er)weys ond(er) heeft/ / It(em) aen xiii stuv(er)s die jan jauchelet ond(er) heeft It(em) aen iii/ bedden mette(n) betsteden en(de) ande(re)n hue(re)n toebehoirte(n) It(em) aen/ iii scrijnen It(em) aen drie ee(re)npotten It(em) aen iii pa(n)nen/ It(em) aen ii yse(re)n panne(n) met meer ande(re)n haven inden/ huyse en(de) nade doot des voirs(creven) wijlen h(er) hermans wesende/ en(de) bevond(en) sijnde Item aen vi mudde corens eens die/ reyntchon daengeleye sculdich es Tot welken daghe de/ voirs(creven) bailju en(de) meye(r) niet comen en sijn om rechts te/ plegen waer o(m)me zij de voirs(creven) goede beslagen hadden Soe/ es gewijst met vo(n)nisse datmen de voirs(creven) gebruede(re) vande(n)/ voirs(creven) goeden houden sal inde macht van hue(re)n beleide/ alsoe v(er)re alst noch voir scepen(en) comen es p(rese)ntib(us) om(n)ibus/ maii xxii