Item vand(n) gescillen wesende tusscen meest(er) janne va(n) hug(ar)de(n) [in deen] en(de)/ ja(n)ne thomas mette(n) meye(r) va(n) meylhem in dande(re) bove(n) div(er)sse/ t(er)mi(n)acien tussce(n) hen voirmaels geloepe(n) vande(n) poente(n) naemaels/ v(er)claert is get(er)min(er)t des h(ier) na volcht Inde(n) yersten vande(n)/ pachte die de voirs(creven) meest(er) jan de(n) voirs(creven) janne thomaes yesch/ gevalle(n) tsinte andriesmisse lestlede(n) gedragende [omtri(n)t] iii m(ud)[de] en(de) een/ halster is get(er)min(er)t wa(n)t de voirs(creven) meest(er) jan gekint heeft dat/ hij de helicht vande(n) vruchte(n) vande(n) lande d(air) uut hij de(n)/ pacht eyscht heeft doen indoen en(de) aenv(er)de(n) dat jan thomas va(n)/ dien pachte ongehoude(n) sal zijn behoud(elijc) oft hij vande(n) vruchte(n)/ der helicht des selfs he(re)n jans yet aenveerdt hadde dat hij/ d(air) af restitucie doen sal Item dat de voirs(creven) meye(r) de(n) voirs(creven)/ meest(er) janne sal restituere(n) tpontgelt bij he(m) ontfange(n) soe v(er)re dat/ strect na advena(n)t vande(n) coepe en(de) weerde(n) vande(n) goede(n) alse vandd(en)/ derde(n)deel va(n) i boende(r) gelege(n) ts(in)te remeysgheest na dat dat duech/ delijc ondersocht sal wese(n) ter plaetse(n) d(air) de goede ond(er) de/ comescap begrepe(n) gelege(n) zijn Ite(m) dat de meye(r) ongehoude(n) sal/ zijn van zeke(re)n salarise die de voirs(creven) meest(er) ja(n) he(m) yesch en(de)/ die hij te vele gehave(n) soude hebben It(em) dat de voirs(creven) jan/ thomas behoude(n) sal de goede die ware(n) joes va(n) hugarden/ d(air)in de voirs(creven) meest(er) jan gegoet is in pechti(n)ge(n) va(n) halfm(er)te/[vacat] eene(n) t(er)mijn va(n) vijf jare(n) elcx jaers om de(n) pacht/ voirs(creven) It(em) alse vande(n) sesse guld(en) en(de) vande(n) coste(n) die de voirs(creven)/ jan thomas eysschende is te wete(n) de voirs(creven) guld(en) de(n) voirs(creven) joese/ betaelt en(de) de voirs(creven) coste(n) inde(n) gedinge en(de) v(er)volge d(er) sake(n)/ geleden d(air)af blijft de sake staende tot dat de cleernisse vande(n)/ selve(n) coste(n) ov(er)geve(n) sal zijn om dan d(air) af te gesciene des de/ stad ov(er)drage(n) sal En(de) midts dese(n) sele(n) de p(ar)tie(n) va(n) malcande(re)n/ zijn geslete(n) behoud va(n) alle(n) sake(n) tot de(n) dage toe va(n) hede(n)/ behoudelijc d(er) pechtinge(n) voirs(creven) act(um) in ple(n)o (con)silio junii xx