Wij claes de kersmake(re) en(de) lodewijc roelofs scepen(en) te loeven(en) doen cont eene(n)yegelijke(n)/ alsoe als onlanx voerlede(n) zeke(re) gescille(n) opv(er)staen en(de) gereese(n) wae(re)n tusscen/ vrouwe katlijne(n) van kersbeke weduwe h(ere)n gorts wijle(n) va(n) herduwemont he(r)/ van hoelne ridde(r) in deen zijde en(de) jan va(n) serain als man en(de) mo(m)boer jouffr(ouwe)/ katlijne(n) va(n) hoelne zijns wijfs dochte(r) he(re)n gh goerts wijle(n) en(de) vrouwen/ katlijne(n) voirs(creven) in dande(re) om d(er) goeden wille die de voirs(creven) wijlen her goert/ en(de) vrouwe katlijne tsamen te besitten plagen alsoe wale beruerlijc als/ omberuerlijc vanden testame(n)te des voirs(creven) wijle(n) he(re)n gorts en(de) oic d(er) duwar(ien)/ d(er) voirs(creven) weduwen huer met scepen(en) brieve(n) va(n) loeven(en) gevesticht en(de) des zij desen/ aencleven(de) deen totten ande(re)n te seggen mochte(n) hebben d(aer) af de (con)cordie ende/ appointeme(n)ten voir scepen(en) van loeven(en) naemaels w(er)dden gemaect en(de) bijden/ voirs(creven) p(ar)tijen aengegaen in sulker mate(n) als scepen(en) brieve(n) va(n) loeven(en) vand(en) daet/ xiiii[c] liii vii dage in septembri volcomelijc uutwijsen En(de) naemaels tusscen/ de selve p(ar)tijen wed(er)om stoot es gevalle(n) om dat zij dinhout vand(en) selv(en) (con)cordie(n)
//
niet ghelijcklijc en v(er)stonden oft dat oic deen p(ar)tije d(er) ande(r) uut ocsuyne/ van dier voird(er) woude lasten dan de selve meynde dat behoirde/ Soe eest dat opten dach datu(m) van desen come(n) zijn voer ons de voirs(creven) p(ar)tije(n)/ die int vercle(re)n vand(en) voirst(er) co(n)cordien en(de) die approberen(de) bij ond(er)wijse vanden/ raide vand(en) stad aengegaen zijn met melc malcande(re)n en(de) oic gelooft hebben/ deen den ande(re)n de poente hier nae v(er)cleert ies [te houden en(de) te voldoene] ierst want zij mits den/ begrype d(er) voirs(creven) vorst(er) (con)cordien geslicht wae(re)n vanden brieve(n) den goede(n)/ va(n) ha(n)nuyt toebehoiren(de) in sulk(er) mate(n) dat de voirs(creven) vrouwe alle de erfbrieve/ totte(n) goeden va(n) ha(n)nuyt behoiren(de) de(n) voirs(creven) ja(n)ne en(de) zijne(n) wijve ov(er)geven soude/ tot hue(re)r eedt en(de) de voirs(creven) jan die een groot deel vand(en) selve(n) brieve(n) hadde/ ontfange(n) hem noch beclaechde dat hij niet en hadde t(con)tulit van scepen(en) brieve(n)/ van loeven(en) d(aer)mede de(n) voirs(creven) wijle(n) her goerde zijne(n) zweer oft den zijne(n)/ den gront d(er) goede [va(n) ha(n)nut] ov(er)gegeve(n) wae(re)n t(er) tijt als hij d(er) voirs(creven) vrouwe katlijne(n)/ duwairde opde waelgulde vand(en) selv(en) duwarie(n) Soe heeft de voirs(creven) vrouwe/ ov(er)gegeve(n) gelooft en(de) gewillecoert tselve (con)tulit de(n) voirs(creven) ja(n)ne en(de) zijne(n) wijve/ t(er) stont ov(er)tegeve(n) voert want de voirs(creven) p(ar)tije(n) gescille hadden vand(en) beden d(er)/ goede voirs(creven) Soe es tussce(n) hen hier af gecleert dat deen des anders bede/ niet betalen en sal mer dat elc van zijnd(er) porcien bede betale(n) sal oft hem/ d(aer) af ontwercken mits d(er) instructien bijde(n) staten vanden lande opde bede/ begreepen d(aer) en(de) alsoe dat behoirt Voert heeft de voirs(creven) jan geconsenteert/ geloeft en(de) ov(er)gegeve(n) d(er) voirs(creven) zijnd(er) zweg(er) huer leefdage huer va(n) hue(re)n/vii [vii] mudde(n) cor(ens) diese in hue(re)n weduwe(n) stoele vand(en) goede(n) va(n) ha(n)nuyt/ afgeq(uij)t heeft te betale(n) en(de) te v(er)nuege(n) nae begryp vand(en) vorste(n) appointeme(n)te/ wel en(de) dueghdelijc sond(er) huer d(aer) af op huer ond(er)pande bynne(n) hue(re)n/ leven(en) te moege(n) wijsen Ende al eest dat ja(n)ne van serain e(n)nige p(ro)ffijten/ vand(en) goeden bijden laten gelooft wae(re)n t(er)tijt vande(n) vorste(n) appointeme(n)te(n)/ en(de) hij bij dien en(de) den inhoude(n) vande(n) selve(n) appointeme(n)te me(n)d meynde dat/ he(m) dat volge(n) soude des hem soe geloeft was Soe heeft hij nochtan/ ge(con)senteert de selve p(ro)fijten d(er) voirs(creven) vrouwe(n) bloetlijc te volge(n) en(de) want/ de voirs(creven) p(ar)tijen noch stoot hadden om de manie(re) die billike(n) gehoude(n) soude w(er)den/ int aflegge(n) bide(n) [vanden] gedinge voe(r) her vrancken halfpont als proefst va(n) s(in)[te] m(er)tens/ te luydick hangen(de) Dair inne de voirs(creven) jan van serain scheen bereet/ te wesen van sijnd(er) sijden al te doene des recht soude wesen/ maer seide dat her wout(er) va(n) coursworm ridde(r) seke(re) costen/ vand(er) vors(creven) vruwen sijnd(er) sweger soude hebben soude hij sgedincs/ op hue(r) v(er)thiden Ende den raide vand(er) stat van loven(en) dese sake/ gehoert hebben(de) gedocht heeft dat behoefde [hier op] den vors(creven) he(re)n
//
arnde hier op te hoe(re)n en(de) opde sake voerd(er) te letten dair bij af/ p(ar)tien van niet v(er)enicht en mochten wordden maer hebben/ gekint in wedersijde en(de) hen dair inne ov(er)gegeven van/ desen tachtervolghen des de stat bevinden sal te desen va(n)/ rechts en(de) reden(en) wegen dienen(de) aug(usti) xx