Also als claus de kersmake(re) en(de) jacop py(n)noc die in behup van hen/ selven en(de) in vordernissen he(re)n symons pynnoc ridders jans witten/ sone wilen jans henricx vanden borchoven en(de) henricx van duerne/ als borgen des edelen en(de) mogen(de) jonch(e)r(e)n van wesemale voe(r) seke(r)/ so(m)men van lijfpensien geleit sijn geweest over veele jae(re)n met/ scepen(en) brieven van loven(en) tot allen den goeden have en(de) erve des/ selfs jonch(e)r(e)n om hen vanden selven lijfpensien te mogen lossen/ of sijs behoefden tande(re)n tijden hen gepijnt hebben mits laste/ dien sij hebben hadden e(n)nige goede des selfs jonch(e)r(e)n met hue(re)n/ vors(creven) scepen(en) brieven te aenveerden en(de) namelic de goede van wesemale/ met hue(re)n toebehoerten Ende dair na e(n)nige procur(eur)s des edelen
//
he(re)n daneels van bouchout hee(r) van hembeke en(de) van loenhout ridders (et)c(etera)/ uut machte van seke(re)n vo(n)nissen die de selve hee(r) daneel vanden he(re)n/ cancell(ie)r en(de) raide ons liefs gened(ichs) he(re)n ts(er)togen in brabant opden vors(creven)/ jonch(e)r van wesemale en(de) sijn goede en(de) heerlich(eit) gecregen moge(n)/ hebben hen ghepijnt hebben bij seke(re)n mandemente ons liefs gened(ichs)/ he(re)n de selve goede taenveerden dieners officiers en(de) rentmeesters/ der selver goede en(de) heerlich(eit) van des selfs van bouchout wegen te/ doen stellen o(m)me de proffiten der selver goede tot orber des selfs/ he(re)n daneels en(de) in voldoeningen van sijnen vors(creven) vo(n)nisse tontfange(n)/ en(de) op te bue(re)n Dair toe nu ten lesten male gesedt en(de) geordineert/ es geweest jannes vanden hove sone wilen baudewijns die/ dbewint en(de) hanteringhe vanden vors(creven) goeden en(de) heerlich(eit) uut/ machte als voe(r) heeft gehadt van int jaer xiiii[c] lii inde/ maent van octobri Bijden welcken die vors(creven) p(er)sone borghen/ des vors(creven) jonch(e)r(e)n niet tegenstaende hue(re)n vors(creven) beleide v(er)steken/ werden vanden hue(re)n en(de) belet dat zij de lasten die zij voe(r)/ den vors(creven) jonch(e)r(e)n moeten gelden en(de) alreede tot eender groeter/ so(m)men hebben verleeght niet gecrigen en co(n)nen nochta(n) dat/ hen dair toe en(de) tot dien behulpe de vors(creven) brieve wae(re)n/ gemaect die oic ouder zijn van date dan tvo(n)nisse des/ vors(creven) he(re)n daneels Versueken(de) dair o(m)me de vors(creven) claus/ en(de) jacop den raide vand(er) stat dat de vors(creven) jannes die/ voer oogen was bedwongen wordde dat hij hen mits hue(re)n/ vors(creven) brieve vanden vors(creven) goeden en(de) renten dade rekeninghe/ en(de) betalinge van sijnen reste Dair op de vors(creven) jannes/ exhiberde dmandement en(de) de (com)missie ons liefs gened(ichs) he(re)n/ vors(creven) die verhaelde de substancie vand(en) vors(creven) vo(n)nisse des vors(creven)/ he(re)n daneels en(de) begrijpt ten sloote de (com)missie en(de) dbewindt/ hem vanden vors(creven) goeden gegheven Seggen(de) dat hij dair op/ sijnen eedt in handen vanden meye(r) van loven(en) hadde gedaen/ niet myn waert hem nochtan alleens de vors(creven) geleide oft/ de vors(creven) van bouchout rekeninghe en(de) betalinghe van sijnen/ reste dat hij sculdich mocht sijn te doen op dat hij met eend(er)/ betalingen en(de) rekeni(n)gen gestaen mochte Ende dat de vorscr(even)/ claus jacop en(de) ande(r) hue(r) medeplichte(re)n he(n) dair voe(r) wouden
//
geloven dat hij met eender rekeni(n)gen en(de) betalingen hen te doene/ gestaen souden Op dwelc de selve claus jacop en(de) her symon py(n)noc/ ridde(r) en(de) jan de witte die voer ogen wae(re)n hen berieden en(de) p(rese)nterde(n)/ den vors(creven) jannesse dair voe(r) te gheloven also zij deden inder/ tegewordich(eit) aldaer dat hij hen reken(de) en(de) betalende met/ eender gestaen soude also verre alst aencleefde den jonch(e)r va(n)/ wesemale en(de) he(re)n daneele van bouchout vors(creven) vors(creven) Also dat/ ten uut(er)sten na reden(en) vanden vors(creven) p(ar)tien ter eend(er) zijden en(de) ter/ ande(re) aldus uutgeleeght des vors(creven) jannes des vors(creven) is opde vors(creven)/ geloefte aennam geloven(de) de vors(creven) rekeni(n)ge en(de) betalingen aldus/ te doene p(rese)ntib(us) jasp(ar) abs(oloens) dyeven burg(imagistris) scab(inis) et pluribus/ aliis de (con)silio sept(embris) xxviii