SAL7349, Akte: R°193.1 (426 van 698)
Akte R°193.1
Act
Datum: 1456-02-13
Transcriptie
2018-05-03 door Walter De SmetAlsoe als jan reers gehete(n) elsene(re) onlanx bego(n)nen hadde inde banc te werchte(r)/
te volgen met rechte op de goede gielijs van werchte(r) va(n) mechelen va(n) schout/
die de selve gielijs den voirs(creven) janne alsoe hij seyde sculdich was ende met/
brieve(n) vand(er) stad onlanx uut v(er)volge arts vand(er) borch na(tur)lijc gescr(even) is/
der wet va(n) werchte(r) datse hen vande(n) selve(n) v(er)volge soude(n) verdrage(n) en(de)/
de kinnessen late(n) come(n) alhier voir trecht So eist dat op hede(n) de voirs(creven)/
jan reers in deen zijde en(de) de voirs(creven) aert in dande(r) comen voir de(n)/
rade vander stad Aldair de voirs(creven) jan meynde bij alrehande reden(en) die/
hij d(air) toe alleg(er)de dat de voirs(creven) aert gheen reden(en) en hadde noch/
van rechts wege(n) en v(er)mochte hem e(n)nich hynder aen sijnd(er) schout te/
doen noch zijn v(er)volch te schutten Vande(n) welke(n) de voirs(creven) aert bij alre/
hande reden(en) hielt de (con)t(ra)rie Soe w(er)t get(er)min(er)t bij de(n) rade vander/
stad met vollen gevolge na reden(en) va(n) p(ar)tie(n) en(de) gelegenth(eit) d(er) saken/
dat de voirs(creven) aert voirtmeer de(n) voirs(creven) janne reers ane sijn schout/
mette(n) voirs(creven) zijne(n) beleyde gheen hynd(er) sijn en sal [en(de) dat ja(n) zij(n) recht voirt sal
volgen dair hij voir heeft begonnen] p(rese)nt(ibus) go(defri)[do] roel(ofs)/
sub(stitu)[to] burg(imagistro) prijke(r) burg(imagistro) smachts borch(oven) scab(inis) lud(ovico) uut(er) helicht/
laurenc(io) de wynge joh(ann)e m(er)cels et joh(ann)e clerc (con)siliar(iis) et plu(ri)b(us)/
aliis febr(uarii) xiii
Nagekeken door: Jan Boncquet
Moderator: Jan Boncquet
Laatste update:: 2014-10-14 door Jos Jonckheer