Also voir de(n) rade vand(er) stad come(n) zijn jacop va(n) dieve(n) en(de) jan/ van erboghe(m) als geleit tot de(n) goede(n) have en(de) erve adriaens wante/ gehete(n) lisemans sone wile(n) henricx mette(n) selve(n) adriane in deen/ zijde de weduwe wout(er)s wile(n) de becke(re) en(de) wout(er) de becke(re) gehete(n)/ de mu(n)te(re) in d hue(r) sone in dande(r) met pete(re)n pols sijne(n) zwage(r) in/ dande(r) Ald(air) de voirs(creven) drie yerste p(er)sone(n) te kinne(n) gave(n) hoe dat onlanx/ daneel van vosschem sone andries wile(n) va(n) voshe(m) in(de) hande(n) hildeg(ar)ts/ va(n) holsbeke sec(re)t(aris) d(er) stad va(n) loeven(en) bracht hadde en(de) gethoent een/ beleit va(n) scepen(en) br(ieven) va(n) loeven(en) d(air) mede de voirs(creven) wile(n) andries en(de)/ wout(er) wile(n) de becke(re) vad(er) des voirs(creven) wout(er)s en(de) zweer des voirs(creven) pet(er)s/ geleidt waren tot alle(n) de(n) goede(n) have en(de) erve des voirs(creven) wile(n) henr(icx)/ wante welc beleit de selve andries altijt binne(n) sijne(n) levene en(de) de/ zijne na zijn doot thuys in hande(n) hadde gehadt en(de) alst inde(n) hande(n)/ des voirs(creven) sec(re)t(aris) was gecome(n) en hadts de selve daneel niet wed(er) conne(n)/ gecrigen bij belette dat hem de voirs(creven) wout(er) en(de) pet(er) d(air) aen hadden/ gedaen en(de) deden eysschen(de) hier o(m)me dat tselve beleit dat niet and(er)s/ dan t(er) goed(er) trouwen de(r) voirs(creven) sec(re)t(aris) gethoent en was niet om de(n) voirs(creven)/ adriane erfman sijn successie te belettene noch hen uut macht van/ huere(n) brieve(n) te sluytene de(n) selve(n) va(n) voshe(m) tot de(n) welke(n) sij hen va(n)/ desen poente gedroege(n) wed(er) gelevert worde en(de) seyde(n) dat hen dat/ versueck gheen onstade doen en soude bij veelrehande reden(en) die zij/ op deden tot d(er) redelicheide(n) va(n) hen dienende En(de) seyde(n) oec te(n) slote/ alwaert dat de voirs(creven) wilen andries tvoirs(creven) beleit thuys mocht hebben/ gehadt dat dat was ter goed(er) trouwen en(de) inde(n) name also wale des/ voirs(creven) wout(er)s d(air) zij erfgename af zijn als voir hen selve(n) dat blikelijc is/ want twee liede te samen te gelike niet lange eene(n) brief gehoude(n) en/ conne(n) Ende meynden d(air) om dat sij hen gelijc de(n) voirs(creven) va(n) voshem/ met de(n) voirs(creven) brieve(n) op de helicht vande(n) goede(n) des voirs(creven) wilen/ henricx behulpe(n) soude(n) moege(n) Waert hier op te(r) ut(er)sten bij den rade/ vand(er) stad na dese en(de) ande(re)n reden(en) va(n) p(ar)tie(n) gealleg(er)t en(de) oec na dat/ de voirs(creven) va(n) voshem wae(r) gehoirt ov(er)dragen en(de) get(er)mi(n)neert voir/ reden(en) en(de) recht dat tvoirs(creven) beleit inde(n) name beyde d(er) voirs(creven) p(ar)tie(n) ond(er)/ de sec(re)t(aris) blive(n) soude en(de) dat hue(r) elc p(ar)tie d(air) mede soude moege(n)/ behulpe(n) opde helicht vande(n) goede(n) behoudelijc oft e(n)nich vande(n)
//
voirs(creven) p(ar)tien meynde dat dande(r) mette(n) voirs(creven) brieve(n) de voirs(creven)/ goede niet sculdich en ware(n) te trecken oft te gebruycken Dair/ af behoudt de stad tvercle(re)n te huerw(er)t om d(air) op p(ar)tie(n) gehoirt/ uutgesproke(n) te worden des recht en(de) reden(en) wisen selen p(rese)nt(ibus)/ roelofs p(rij)ke(r) burg(imagistr)[is] et pl(ur)ib(us) aliis de (con)silio m(ar)tii xii