It(em) jan va(n) daelhe(m) jans sone wile(n) was in p(rese)ncia heeft genome(n)/ ende bekint dat hij genome(n) heeft va(n) jacoppe uute(n) lyemi(n)ge(n) als geleit/ tot de(n) goede(n) jacops wile(n) uute(n) lyemi(n)ge(n) zijns vaders thoff des selfs wile(n)/ jacops te glabbeke gelege(n) mette(n) huysen hove(n) wynnen(de) lande bempde(n) eeussele(n)/ en(de) alle(n) de(n) toebehoirte(n) gelijcker wijs gheert de weer dat lestwerf in pechti(n)ge(n)/ gehoude(n) heeft Te houde(n) te hebben en(de) te wynnen va(n) halfm(er)te naest/ comende eene(n) t(er)mijn van xii jare(n) lang vervolgende elcx jaers/ darenbinne(n) voir en(de) om lxxi sacke corens goet en(de) payabel d(er)/ maten va(n) glabbeke thiene(n) pacht va(n) glabbeke met wanne en(de) met/ vedere(n) wel bereyt alle jare tsinte andriesmisse apostels te betalen/ en(de) te loeven(en) oft also v(er)re dairt de(n) voirs(creven) jacoppe(n) [oft zijnre moeder] gelieve(n) sal te levere(n)/ q(u)[o]l(ibet) ass(ecutu)[m] En(de) om liii hollan(dsche) guld(en) te xvi stuv(er)s stuc alle jaere/ tsinte m(er)tensmisse te betale(n) jouff(rouwe) magriete(n) van oppendorp d(er) moed(er)/ des voirs(creven) jacops q(u)[o]l(ibet) ass(ecutu)[m] It(em) sal hij noch hebben zijne(n) t(er)mijn dueren(de)/ i beempt gehete(n) nattruyenhout dair henric gastma(n) deen helicht/ af houdenden is jaerlijcx om xxvii lichte guld(en) It(em) tdroechtruyenhoudt/ om v hollan(dsche) gulden(en) It(em) den wouwer binne(n) de(n) voirs(creven) hove ge/ lege(n) om iiii g(ri)pe(n) te xl pl(a)c(ken) stuc It(em) noch eene(n) bempt/ aent bruexken gelegen om eene(n) guld(en) rijd(er)s mo(leva)[te] (et)c(etera) It(em)/ noch een bempdeke(n) acht(er) thoff gelege(n) dat jan vaese te houde(n)/ plach om x stuv(er)s algad(er) tsinte mertensmisse te betale(n) als voe(r)/ q(u)[o]l(ibet) ass(ecutu)[m] met vorwerden oft de(n) voirs(creven) jacoppe(n) oft janne geliefde/ ten ix[te(n)] jare te sceyden dat zij dat doen moegen bij alsoe/ dat de ghene die also sceyden wilt dat den andere(n) een jaer/ langk te voere(n) cundigen sal It(em) is vorwerde dat de voirs(creven) alle(n)/ den bute(n) pacht den hove toebehoiren(de) in coren(en) even(en) en(de) capuyne/ te loeven(en) ten huyse der jouffr(ouwen) voirs(creven) levere(n) sal It(em) is vorwerde/ dat de voirs(creven) wynne allet dooft binne(n) de(n) voirs(creven) hove en(de) goede/ wassende jege(n) de(n) voirs(creven) jacoppe half en(de) half deylen sal en(de)/ des sal de voirs(creven) wynne des voirs(creven) jacops deel te loeven(en)/ bringe(n) op zijne(n) cost en(de) alsmen dat leest dan sal de voirs(creven) jacop/ den lesers de dachuere(n) betale(n) en(de) de wynne sal hen den/ montcost gheve(n) It(em) sal de voirs(creven) wynne de huysinge vande(n)/ voirs(creven) hove houde(n) wel en(de) loflijc vander underster rijkelen/ nederw(er)t houden op zijne(n) last En(de) hij sal alle jare int
//
voirs(creven) hoff levere(n) iiii[c] walme(re) goet en(de) cusber om de huysinge/ d(air) mede te decken en(de) alsmen d(air) dect plect ty(m)mert oft metst/ van oude(n) wercke dan sal de voirs(creven) jacop de(n) wercliede(n) de dachue(re)n/ betalen en(de) de voirs(creven) jan sal hen den montcost gheve(n) Mair/ oft me(n) d(air) yet wrachte van nuwe(n) wercke dair en sal de/ voirs(creven) wy(n)ne niet inne gehouden zijn It(em) sal de voirs(creven) wy(n)ne de(n)/ voirs(creven) jacoppe some(re)n i rint mette(n) zijnen melckoeyen It(em) sal/ de voirs(creven) wynne de goede vande(n) voirs(creven) hove zijne(n) voirs(creven)/ t(er)mijn duerende houde(n) wy(n)ne(n) werve(n) en(de) meste(n) wel en(de) loflijc/ gelijc zijne(n) reengenote(n) bove(n) en(de) beneden en(de) die laten besayt/ en(de) gewonne(n) gelijc hijse vinden sal It(em) wa(n)t de voirs(creven) jouff(rouw)/ magriete en(de) jacop de(n) voirs(creven) wynne te zijne(n) innecome(n)/ leene(n) xxx rijd(er)s te xxv st(uvers) stuc so is vorwerde dat de/ wed(er)scr(even) wy(n)ne die hen wed(er)om betale(n) sal te wete(n) tderdel/ d(air) af van halfmerte naestcomen(de) ov(er) een jaer tderdel d(air)/ af bynne(n) eene(n) jare dair na en(de) dleste derdel d(air) af/ binnen ene(n) jaire v(er)volgende q(u)[o]l(ibet) ass(ecutu)[m] It(em) de voirs(creven) wynne sal/ jaerlijcx zijn berringe houwe(n) en(de) neme(n) op tvoirs(creven) goet d(air) he(m)/ de voirs(creven) jacop bewise(n) sal t(er) mynster schaden en(de) oft d(air) e(n)nich/ boome verdroochde(n) die sal de voirs(creven) wynne moege(n) uutrode(n)/ des sal hij voir elke(n) va(n) dien setten twee poote(n) vanden/ selve(n) aerde It(em) sal de voirs(creven) wy(n)ne de bempde vande(n) voirs(creven)/ goede(n) en(de) de grechte(n) veeghe(n) ruyme(n) ende ryoelen jaerlijx/ wel en(de) loflijc also dat d(air) bij gheen scade en come It(em) oft de/ voirs(creven) jacop zijn goede woude m(er)ghele en(de) hijte(r) cochte so es/ vorwerde dat de voirs(creven) wy(n)ne die hale(n) sal te sijne(n) laste It(em)/ sal de wynne hebbe(n) een tabbaert lake(n) sjaers D(air) voe(r) sal hij de(n)/ voirs(creven) jacoppe ii dage corweyde(n) met zijne(n) wage(n) en(de) p(er)de(n) alst/ de(n) selve(n) jacoppe(n) gelieft En(de) alle dese vorw(er)de(n) hebbe(n) geloeft de voirs(creven)/ jacop en(de) de wy(n)ne malca(n)de(re)n vast en(de) gestentich te houde(n) q(u)[o]lib(et) ass(ecutu)[m] abs(oloen)/ hortbeke ap(rilis) xxvii