Ite(m) also jan oege voir de(n) rade vand(er) stad getoge(n) heeft woute(re) de/ costere voir tvoldoen va(n) i m(ud)[de] core(n)s lijftochte(n) mette(n) pachte d(air) af/ v(er)loepen dair in de voirs(creven) woute(r) met meer andere(n) zijne(n) borge(n) also/ hij meynde te(n) hemw(er)t gehoude(n) was behoude(n) v crone(n) die d(en)/ voirs(creven) jan kinde d(air) af gehave(n) te hebbe(n) En(de) de voirs(creven) woute(r)/ p(rese)nt(er)de te thoene(n) met de(n) hofrechte d(air) voe(r) zeke(r) goede gederft/ ware(n) om dat me(n) mette(n) pe(n)ninge(n) d(air) af comen(de) de voirs(creven) lijftocht/ cuelen soude dat dat also gecuelt en(de) betaelt ware en(de) dat/ gelooft was bij de(n) ghene(n) die de macht inde(n) br(ieven) hadde de(n) selve(n)/ te nyeute te doene welx thoenisse hij also volqua(m) Es d(air)/ om te(n) utersten get(er)min(er)t dat na dov(er)geve(n) des voirs(creven) jans oege/ inde(n) thoenisse en(de) na dat de w(ar)heit gedrage(n) heeft de voirs(creven)/ wout(er) de coste(re) vand(en) voirs(creven) lijftocht en(de) acht(er)sstell d(air) af quite/ en(de) ongehoude(n) sal blive(n) en(de) den voirs(creven) brief machteloes Act(um)/ in pleno (con)silio maii vii