It(em) pauwels de coste(re) in jeg(enwoirdicheit) (et)c(etera) heeft uutgegeve(n) ende/ verhuert dame vand(er) ov(er)molen wijng(ar)de(r) ond(er)half vierdel/ wijng(ar)ts geleg(en) opte vesten buten der borchpoirt(en) tusscen/ clase pieder en(de) lambr(echt) vanden velde Te houden en(de)/ te hebbe(n) van alreheilige(n) misse lestleden eene(n) t(er)mijn/ va(n) vi jae(re)n lang elx jairs om terdel va(n) allen den wijne/ d(air) op jairlijx wassen(de) die de selve pauwels alsmen dien/ snijden sal met den derden botte in sijn wijncupen/ aen den wijngart ontfange(n) sal geloven(de) de voirs(creven)/ daem den voirs(creven) wijngart wel en(de) loflic te houden/ en(de) te werken op sijne(n) last en(de) des sal pauwels/ gehouden sijn hem jairlijx den t(er)mijn due(re)nde te geve(n)/ en(de) te leve(re)n voir sijn woenst at iiii botvoeder mest/ die de voirs(creven) daem d(air) op sal moten leggen Geloven(de) ae(n)/ de voirs(creven) pauwels oft hij op dat hijt beleeft dat/ hij dan ten eynde vanden voirs(creven) vi jae(re)n den voirs(creven) daem/ den selve(n) wijng(ar)t noch eene(n) t(er)mijn va(n) vi jae(re)n d(air) na/ op te selve vuege uut te gheve(n) en(de) sal de voirs(creven)/ pauwels alle last en(de) co(m)mer tot den goede(n) jairlijx/ afdoen en(de) vergelden