It(em) henric mylenborch henric ketelbuete(r) voir hem henricke en(de)/ margriete ketelbuet(er)s zijn kinde(re)n die hij hier inne geloeft te/ v(er)vangen als zij tot hue(re)n mu(n)digen comen sullen zijn jan vand(er)/ bruggen soffie milenborch zijn wijf en(de) jan heydemans voir hem/ en(de) luytgarden mylenborch zijn wijff die hij oic insgelix geloeft heeft/ hiertoe te vervangen in yegewordicheiden des scepen(en) van loven(en) gestae(n)/ hebben gekint en(de) gelijdt dat hen jan van utricht inden name/ van hem selven en(de) inden name (christ)inen zijnd(er) zuster wel ende/ wettelijc vernueght en(de) betaelt heeft van dien driehondert ende/ xv guld(en) te x stuv(er)s tstuc die de selve jan en(de) zijn suster den vors(creven)/ bekinde(re)n sculdich wae(re)n te gheven voir de lossinge vanden goeden/ claus wilen van utricht hue(re)r beyder vader na uutwijsen van/ eenen tractate gepasseert voir scepen(en) va(n) loven(en) tusschen beyden/ vors(creven) p(ar)tien Dair scepen(en) brieve van loven(en) af zijn vander daet/ vii dage in junio int jaer xiiii[c] liiii den selven janne/ en(de) (christ)inen vanden vors(creven) iii[c] en(de) xv guld(en) volcomentlic quitscelden(de)/ gelovende hen dair aff ny(m)mermeer aentespreken in gheenen/ rechte gheestelijc noch weerlijc bij hen selven oft yemande/ anders in gheend(er) manie(re)n Geloven(de) vort den selven janne/ en(de) (christ)inen tot hue(re)r manissen oft des eens van hen hen beyden/ te goeden en(de) te vestigen tot allen behoerliken en(de) behoefliken/ plaetsen in alle trecht dat zij hebben oft hebben moghen/ inde selve goede dair aff de selve lossinge gesciet is op des/ gheens g cost die dair inne naden rechte gehouden is Hebben/ vort geloeft de vors(creven) bekinde(re)n die na den vors(creven) janne van/ utricht inden name van hem en(de) zijnd(er) vors(creven) zuster ov(er)gegeve(n)/ hebben tot hue(re)r eedt alle de brieve die zij hebben oft weten/ den vors(creven) goeden aengaende oft zij in nacomen(de) tijden e(n)nige brieve/ meer vonden den selven goeden aengaende dat zij die insgelix/ hen beyden dan zullen ov(er)geven cor(am) smacht hortbeke maii xv