It(em) robb(er)t tripp(ar)t heeft dach van rechte genome(n) jege(n) joh(a)nnese de ruyssche/ en(de) eustasse de huesdam om aen te spreke(n) de goede die toe te behoire(n) plage(n)/ janne wile(n) poel te puchey en(de) te ev(er)naz gelege(n) Daer[af] de selve robb(er)t onlanx/ met eene(n) hoetvo(n)nisse van luydick de possessie v(er)lore(n) heeft meynen(de) alsoe/ der voirs(creven) sijnd(er) wed(er)p(ar)tie(n) gheen coste(n) te geve(n) die voirmaels hier inden/ rechte gedaen moege(n) sijn totte(n) eynde vanden rechte p(rese)nt(ibus) abs(oloen) s(u)bstituto p(rij)ke(r)/ burg(imagistro) (et) plur(ibus) al(iis) maii xxi