It(em) jan borneman woenen(de) tot eleshem en(de) willem cole sone wile(n) jans/ woenende tov(er)wynde in p(rese)ncia hebbe(n) genome(n) en(de) gehuert en(de) bekint/ gehuert te hebbe(n) van janne moelenpas en(de) pet(ere)n soetemont als geleit tot/ alle(n) de(n) goede(n) beyde have en(de) erve jonch(e)r(e)n gheerts wile(n) va(n) ghistele/ i bempt gehete(n) de(n) cruysbempt gelege(n) acht(er) thoff gehete(n) boydensshoff/ inde p(ro)ch(ie) va(n) hakendevel Te houde(n) en(de) te hebbe(n) vande(n) dage dat(e)n/ va(n) desen eene(n) t(er)mijn va(n) drie jare(n) lang v(er)volgende Elcx jaers d(aer)enbi(n)ne(n)/ om en(de) voe(r) lxx rijnsche guld(en) va(n) goude goede en(de) ghinge alle jae(re)/ deen vierdel ts(in)t jansmisse dand(er) te bamisse tderde te kersmisse en(de) tvierde/ te halfm(er)te te betale(n) quol(ibet) ass(ecutu)[m] It(em) hebbe(n) voirt gelooft de voirs(creven)/ pechten(er)s dat zij jaerlijcx de(n) voirs(creven) t(er)mijn dueren(de) vand(en) voirs(creven)/ so(m)me(n) en(de) voirts in afslage va(n) des zij meer de(r) geleydde(n) voirs(creven)/ sculdich zijn de(n) gebruede(re)n va(n) houthe(m) vande(r) rinte(n) die zij op/ de geheele goede van eleshem hebben also in tijts betale(n)/ selen dat de(n) voirs(creven) geleydde(n) noch de(n) erfgename(n) d(er) voirscr(even)/ goede(n) d(air) af gheen schade en come It(em) de voirs(creven) wy(n)ne selen/ jaerlijcx opde voirs(creven) goede moege(n) neme(n) l willege(n) om de voirs(creven)/ goede mede te bevrede(n) neve(n) een v(er)volgens staende sond(er) d(air)/ af te kyesen En(de) oft d(air) e(n)nige v(er)droechde(n) so selen sij voir elke/ va(n) dien setten ii levende pote(n) vande(n) selve(n) aerde en(de) die loflijc/ verdoirne(n) also dat behoirt smacht lynt(re) maii ult(ima)