It(em) want gielijs calays gehete(n) vand(er) eycke(n) op de(n) dach va(n) hede(n) als/ geleit tot de(n) goede(n) beyde have ende erve arts va(n) cuyck va(n) hoechstrate(n)/ hadde doen insc(ri)ve(n) beatrijs va(n) pulle weduwe wemars wile(n) va(n) cuyck/ om des ongebruycx wille dat zij hem dede aen een hoeve met alle(n) hue(r)/ toebehoerte(n) gelege(n) te brecht tusscen tshe(re)n strate in beyde(n) zijde(n) It(em)/ aen ii sist(er) rocx erflijc op een hoeve gorts pullekens gelege(n) neve(n)/ sinte lenarts capelle It(em) aen xii boend(er) heyde(n) gelege(n) ald(air) aenden/ tremel tussce(n) tshe(re)n strate op deen zijde en(de) de vroente van ekeren/ op dande(r) zijde It(em) aen iiii boend(er) heyden gelege(n) bij de pale(n) va(n) malle/ It(em) aen ii bempde gelege(n) aen tshe(re)n strate op deen zijde en(de) peter/ pellens op dande(re) Tot welke(n) dage zij niet come(n) en is noch nyem(ande)/ and(er)s so hebben de he(re)n scepen(en) va(n) loeven(en) t(er) manisse(n) smeyers/ gewijst voir een vo(n)nisse dat me(n) de(n) voirs(creven) gielijs vanden voirs(creven) goede(n)/ houden sal inde macht va(n) zijne(n) beleyde voirs(creven) also v(er)re dat noch/ voir hen come(n) is p(rese)nt(ibus) o(mn)ib(us) de(m)pto lyntre junii x