It(em) gerard vande(n) berghe sone wile(n) pet(er)s nu t(er) tijt wy(n)ne des goidsh(uys)/ va(n) vlied(er)beke in hue(r) hoff te houthem in p(rese)ncia heeft genome(n) en(de)/ bekint dat hij genome(n) heeft van he(re)n lenarde va(n) griboval elect/ des goidsh(uys) voirs(creven) en(de) regeerde(r) d(er) weerlik(en) goede des selfs goidshuys va(n)/ wege(n) ons liefs gened(ichs) he(re)n tsh(er)toge(n) va(n) bourg(oig)[ne(n)] en(de) va(n) braba(n)t inde(n) name/ des voirs(creven) goidshuys de helicht vand(er) thiende(n) beyde groot en(de) cleyne/ des voirg(enoemt) goidshuys tot willebringe(n) gelijc de(n) selve(n) goidshuyse die ald(air)/ toebehoirende is Te houde(n) en(de) te hebbe(n) van halfm(er)te lestleden/ eene(n) t(er)mijn van sesse jaren lang v(er)volgende Elcx jaers dare(n)binne(n)/ voir en(de) om xxxv mudden haerts corens goets en(de) payabels alsulx/ als vand(er) thiende(n) voirs(creven) jaerlijcx come(n) sal met wanne en(de) met vederen/ wel bereyt d(er) maten van thienen te weten sesse halster d(er) selv(er) maten/ voir elc mudde voirs(creven) gerekent alle jae(re) tsinte andriesmisse ap(oste)ls/ te betalen en(de) inde thiende schue(re) ald(air) te leveren de(n) voirs(creven) t(er)mijn dueren(de)/ q(u)[o]l(ibet) ass(ecutu)[m] [behoud(elic) dat hij alle jae(re) een voed(er) hier af levere(n) sal int goidsh(uys) voirscr(even)]/ Ende desgelijcx voir sesse rijnsche guld(en) va(n) goude goet en(de)/ gheve te inganc meye te betalen alle jare de(n) voirs(creven) t(er)mijn dueren(de)/ quolib(et) ass(ecutu)[m] It(em) sal de voirs(creven) gerard de(n) voirs(creven) goidsh(uys) jaerlijcx levere(n)/inde thiende schuere ald(air) vijftich hoope [int voirs(creven) hoff te houthem alle] tstroes ....? [vand(er) thienden voirs(creven) comen(de) en(de) te meste make(n) ald(air) en(de) dmest d(air) af vuere(n) op de lande vand(en) selve(n) hove tslants meeste(n) p(ro)ffite uutgenome(n)] vijf hoepe stroes die hij/ d(en) kerken va(n) willebringen vand(er) thiende(n) voirs(creven) geven sal De voirs(creven) wy(n)ne/ en sal gheen goet moege(n) vuere(n) noch doen noch late(n) vuere(n) bute(n)/ sdorps voir d(er)re tijt toe dat tvoirs(creven) goidshuys betaelt en(de) geheelijc/ v(er)nuecht sal wesen It(em) de voirs(creven) gheert sal alle jae(re) de(n) voirs(creven) t(er)mijn/ duerende de(n) voirs(creven) goidsh(uys) levere(n) en(de) betalen staphans na de(n) oechst/ vijf mudde corens d(er) voirs(creven) mate(n) in afcortinge(n) vande(n) pachte die ts(in)te/ andriesmisse apostels dan d(en) naestcomende valle(n) sal It(em) sal tvoirs(creven)/ goidsh(uys) jairlijcx hebbe(n) half tcaff comen(de) vande(n) coirne d(er) voirs(creven) thienden/ It(em) en sal de voirs(creven) gerard de voirs(creven) thiende nyema(n)t moege(n) uutgeve(n)/ van zijnre hant and(er)s dan zijne(n) borgen h(ier) na bescr(even) In(de) su(n)t fideiuss(ores)/ henr(ic) van pamele f(ilius) na(tura)lis egidii quond(am) de pamele et joh(ann)es de/ pamele f(ilius) quond(am) joh(ann)is o(mn)es de willebringe(n) Et p(ri)m(us) cor(am) smacht/ hortbeke junii xxi