Tvo(n)nisse tusschen adam lobbet als gemechticht vanden gardiaen/ en(de) convente vanden mynderbruede(re)n te nyvele en(de) van/ he(re)n janne de rongnoul profes priest(er) inde(n) selven (con)vente/alse van zeke(re)n goeden gelege(n) in deen zijde en(de) janne jannart/ alse geleit totten goeden pierarts lannart in dande(re) Alse van/ zeke(re)n goeden gelegen te gseneff datr die de vors(creven) adam meynde/ dat hem sculdich wae(re)n te volgen van wegen des vors(creven) her jans/ om deswille dat die uutgewonnen wae(re)n voir tgebrec van/ drie mudden corens erfpachts die des vors(creven) her jans/ vaders en(de) dair af hij de naeste leven(de) wae(r) dair aen hadden/ Tegendwelc de vors(creven) jan jannar meynde de (con)trarie want/ de vors(creven) pierart inde selve goede gegoedt waer van pierarde/ wilen hewe die de selve goede besadt dat hem dair om/ die volgen soude(n) uut machte vand(en) beleide vors(creven) Es/ gewijst met desen worden na aensp(ra)ke v(er)antw(er)den en(de) thoenisse van/ beyden p(ar)tien dat den vors(creven) janne jannar den gront vanden vors(creven)/ goeden volgen sal behoud(elijc) d(air) aen den vors(creven) h(er)en janne drie mudde/ corens erfpachts [na inhout der chirograffe d(air) af gemaect voir den hof van pieton te seneff] also v(er)re alst noch voir scepen(en) come(n) is cor(am) eisd(em)