It(em) gheert broeckman in p(rese)ncia heeft genome(n) jege(n) ja(n)nese vand(er) eycken/ als ma(n) en(de) mo(m)boir jouffr(ouwen) g(er)tr(ude) vande(n) hove wed(uwe) wile(n) claes van/ stakenborch sesse boend(er) lants gelege(n) op de loe in drie aerde in/ eene(n) stucke Te houde(n) te hebbe(n) en(de) te wy(n)ne(n) va(n) halfm(er)te lestleden/ eene(n) t(er)mijn van nege(n) jare(n) lang v(er)volgen(de) elcx jaers om de helicht/ d(er) [vruchte(n) d(air)] op wassende It(em) de voirs(creven) wy(n)ne sal de voirs(creven) lande sijne(n) voirs(creven) t(er)mijn/ dueren(de) wel en(de) loflijc wy(n)ne(n) en(de) werve(n) gelijc reengenote(n) bove(n) en(de)/ benede(n) te wete(n) de(n) roggen(en) aert op iiii getidege vore(n) de(n) gherste(n) ard/ op iii vore(n) en(de) de selve lande talle(n) drie jare(n) wel en(de) loflijck ov(er)/ mesten gelijc reengenoete(n) en(de) alle jare twee boend(er) braken It(em) alse/ de vruchte(n) op tvoirs(creven) lant gewassen rijp en(de) tijtveerdich zijn sal/ de wy(n)ne afdoen en(de) bynde(n) tsijne(n) laste maer ja(n)nes sal eene(n) man/ d(air) sette(n) om de bande te slane en(de) mette(n) wagen te gane en(de) alse/ die vruchte(n) gebonde(n) en(de) vergadert zijn sal de voirs(creven) wy(n)ne des/ voirs(creven) ja(n)nes helicht te loeven(en) vuere(n) dairt den voirs(creven) jouffr(ouwe) [ja(n)nes] gelieve(n) sal/ eer hij tsijne sal moege(n) rueren It(em) de voirs(creven) wy(n)ne sal hebbe(n) allet/ stroe en(de) caf vande(n) voirs(creven) vruchte(n) comen(de) en(de) als de voirs(creven) ja(n)nes/ zijn core(n) heeft doen dorsschen es bevorwert dat dan de voirs(creven) wy(n)ne/ sculd(ich) sal zijn te vueren dairt de(n) selve(n) ja(n)nese gelieve(n) sal bi(n)nen/ d(er) stad va(n) loeven(en) It(em) sal de voirs(creven) wy(n)ne de(n) voirg(enoemde) ja(n)nese alle jae(re)/ levere(n) iiii ma(n)dele(n) half rogge(n) en(de) half zom(er)stroes D(air) voir sal/ hij jaerlijcx hebben twee voed(er) mests It(em) es vorwerde dat/ de voirs(creven) wy(n)ne de voirs(creven) lande late(n) sal te sijne(n) afscheyde(n) also hij/ die vant tsijne(n) income(n) Te weten twee boend(er) gemest en(de) besayt/ met rogge twee boend(er) storten op twee voren en(de) de brake/ op een vore It(em) oft meer haghen opde voirs(creven) lande wiesse oft/ viele dan de voirs(creven) wy(n)ne behoefde mede te v(er)maken die sal/ de voirs(creven) wy(n)ne moege(n) houwe(n) en(de) make(n) en(de) hebben sond(er) de haghe(n)/ yet te argheren aen haer wassen Ende alle dese vorwerden/ cor(am) jasp(ar) abs(oloen) m(er)sb(er)ge ja(nuarii) v[ta]