It(em) de voirs(creven) gehuyssche hebbe(n) gelooft en(de) gesekert in recht(er) eedstad/ dat zij gheen brieve noch behulp te loeven(en) te bruessel noch elde(r) genome(n)/ noch gemaect en hebbe(n) neme(n) noch make(n) en sele(n) dairmede zij hen jege(n)/ de voirs(creven) schout soude(n) moege(n) behulpe(n) En(de) de voirs(creven) gielijs en sal he(m)/ mette(n) voirs(creven) brieve(n) niet moege(n) behulpe(n) het en ware dat de voirs(creven)/ gehuyssche de (con)trarie daden oft attempteerden te doen van des voirs(creven) is/ oft dat zij gebreckelijc waren vande(n) voirs(creven) gielijs te zijnd(er) twee kijnderen/ behoef die hij behouden heeft van jorijnen wilen sbijters sijne(n) wive/ te betalen jaerlijcx van drie jaer lang vand(er) so(m)me(n) voirs(creven) xx cronen/ de x d(air) af tons(er) vrouwe(n) dage liechtmisse en(de) dand(er) x te half oechste/ d(air) na volgende en(de) inden vierde(n) jare xv crone(n) te twee paymente(n)/ voirs(creven) telken payme(n)te in dien jae(r) vii(½) crone als voir de volle betali(n)ge/ der voirs(creven) lxxv cronen Welke so(m)men ind(en) voirs(creven) maniere(n) de voirs(creven)/ gielijs oft he(m) gelieft trecken sal moegen ende van tide te tide heffe(n)/ aen alsulken lijfpensien gedragende jaerlijcx ix l negen l(i)b(ra) gr(oot) vlemsch/ alse de voirs(creven) gehuyssche hebben aen zeke(r) goede wilen hen toebehoiren(de)/ die nu besidt ghijsbrecht de lu Dair de selve gehuyssce die den/ selven gielise selen laten volgen ongehindert ende onbelett oft/ de voirs(creven) gielijs sal die na de(n) rechte moege(n) v(er)reycken aen dlijf/ ende dander goede der voirs(creven) gehuysscen wair die gelege(n) zijn/ met (con)dicien hier inne besproken oft beyde de voirs(creven) kyndre des/ voirs(creven) gielijs aflivich worden sond(er) wettich oer acht(er) he(n) te bliven/ wes dan noch onbetaelt vand(er) voirs(creven) so(m)me(n) uutstonde d(air) af soude(n)/ de voirs(creven) gehuysscen ongehoude(n) wese(n) de(n) voirs(creven) gielise zijne(n) kijnde(re)n/ oft yeman(de) anders yet te gheve(n) cor(am) eisd(em)