Item henry bosquet sone her henricx wilen bosquet priest(er)s heeft/ geloeft janne le charlier en(de) m(ar)grieten bosquet sijne(n) wijve/ suster des vors(creven) henricx te betalen tusschen dit en(de) tsint jans/ dach naestcomen(de) xxxiiii guld(en) pet(er)s te xviii st(uvers) tstuc en(de)/x acht stuv(er)s alse voir tderdendeel en(de) tkynsgedeelte d(er)/ vors(creven) m(ar)gr(ieten) in alle de omberuerlike goede des vors(creven)/ wilen he(re)n henricx Dair de vors(creven) brued(er) en(de) sijn sust(er)/ met scepen(en) brieve(n) va(n) loven(en) toebeleit zijn dwelc/ de vors(creven) henric bosquet tegen den vors(creven) charlier zijne(n)/ zwagher gecocht heeft op een mudde corens der/ maten va(n) nyvel erfs pachts tsinte andriesmisse te betale(n)/ en(de) aldair ter plaetsen te leve(re)n te quite(n) staende bynne(n)/ drie jae(re)n met xx pet(er)s dat de vors(creven) gehuysche d(air)/ aen behouden hebben en(de) de betalinge vanden vors(creven) pe(n)ninge(n)/ gedaen hebben de vors(creven) p(ar)tien geloeft malcande(re)n vand(en)/ vors(creven) coepmanscap geloeft genoech te doene en(de) vestich(eit)/ cor(am) eisd(em)