Tvo(n)nisse tusscen aerde vande(n) bloke die gegoet en(de) geerft is/ in een huys en(de) hof met lande en(de) ande(re)n zijne(n) toebeh(oirten) gelege(n)/ te(n) bossche aende(n) driesch inde p(ro)ch(ie) va(n) zempse tussce(n) oste(n)/ vanden bloke en(de) de strate aldair in deen zijde janne de coste(re)/ lauwe(re) janne joes en(de) pet(er) mijs zijn zwaghe(re)n in dande(re) alse/ vande(n) voirs(creven) goede(n) die de voirs(creven) drie p(er)sone aenspraken/ midts alrehande reden(en) die zij opdede(n) hopen(de) dat he(n) die/ goede sculdich ware(n) te volgen Dair jege(n) de(n) voirs(creven) aert/ dede segge(n) dat hij en(de) zijn voirsete(n) tselve goet beseten/ hadden ov(er) vele jare(n) alse hue(re) wettige erve en(de) dat dat in/ huere(n) hande(n) ware gecome(n) voe(r) dacht(er)stel va(n) nege(n) muddeke(n)/ core(n)s erflijc die zij d(air) voirmaels te heffen plagen Is/ gewijst met desen woerde(n) dat de(n) gront vande(n) voirs(creven)/ goede(n) de(n) voirs(creven) swaghe(re)n volge(n) sal also v(er)re dat noch/ voir scepen(en) come(n) is behoudelijc de(n) voirs(creven) aerde zijne(n) rechte vande(n) voirs(creven) erfpachte op de selve goede cor(am) eisd(em)