Item vander aenspraken die jan uuterhelicht gedaen heeft inden/ name en(de) van weghen wilen willems uuter helicht sijns soens/ ter tijt als hij leefde in zijnen brood zijnde tot merten odts/ alse van dat de selve merten mede geweest soude hebben ende/ principael inden gescille was dair de selve willem bij henr(ic)/ van ophem geheten ghelts van live ter doot bracht was eysschen(de)/ dair om vanden selven willeme een bedevart in cypers oft alsulken/ beternisse als scepen(en) hem aenwisen soud(en) Dair opde vors(creven)/ merten hem verantwerdende met div(er)sen reden(en) hem in zijne(n) rechte/ dienen(de) Es gewijst met vo(n)nisse d(er) scepen(en) van loven(en) dat de/ vors(creven) m(er)ten vander aensp(ra)ken die jan te hemwert gedaen heeft/ ongehouden zijn soude p(rese)ntib(us) o(mn)ib(us) scab(inis) junii viii