It(em) want aert beyaert jan maes [de jonge] en(de) raes de rijke als geleit tot/ allen de(n) goede(n) have en(de) erve jans maes soe v(er)re die bleve(n) zijn na/ doot katlijne(n) swelde(n) weduwe henricx wilen va(n) bruessele op hede(n)/ hadde doen innesc(ri)ve(n) willem(me) va(n) hoelair en(de) quinte(n) lambrechts die/ hem ongebruyc dede(n) aen so(m)mige der selv(en) goede Ald(air) zij niet come(n)/ en zijn so hebbe(n) de scepen(en) va(n) loeven(en) ter manisse(n) smeyers gewijst/ voir een vo(n)nisse datme(n) de voirs(creven) geleydde d(air) af houde(n) sal inde macht/ va(n) zijne(n) beleyde voirs(creven) so v(er)re dat noch voir hen come(n) es eisd(em)/ Dit sijn de goede/ It(em) iersten yersten eenen groeten wagen metten getouwe Item/ eene mergelkiste It(em) een volen It(em) iii coye Item een ledich/ vee Item iii mudden terwen It(em) xix rijd(er)s en(de) vii(½) peters