It(em) johannes hazen heeft geloeft symoene symoens in p(rese)ntien vranx/ van dieven borg(er)meest(er)s te betalen(e) alsulken xxiii grijpen als hem/ met vo(n)nisse aengewesen zijn van heden ov(er) xv dagen naestcomen(de)/ voirt heeft de voirs(creven) joh(ann)es geconsenteert symoene voirs(creven) te heffen/ alle de rinten te gelike ende geloeft dae(re)n boven de selve joh(ann)es/ met zijnder huysvrouwe(n) bynne(n) xv dagen dair nae den voirs(creven)/ symoene vestich(eit) te doene van allen den goeden dair tgedinge/ om geweest es voer scepen(en) va(n) loven(en) oft daert behoirt nae/ inhouden des vo(n)nis Ende oftmen naemaels bevonde dat/ de drie grijpen vanden voirs(creven) symoene gehaven sijnde tonrechte wae(re)n/ gehaven datse dan de selve symoen den selve(n) joh(ann)i wed(er)kee(re)n sal/ oft afslaen aende xxiii grijpen Behoudelijc desen niet jegenstaende/ den voirs(creven) symoene altijt te blive(n) in sijne(n) goede(n) rechte oct(obris) xxvii