It(em) vande(n) stoote die er tusscen he(re)n coenrarde vand(er) mee(re)n ridd(er) [renu(n)c(ians)] in deen zijde/ en(de) janne van wynxele in dande(re) alse van den chijnsen en(de) rinte(n) vand die/ wilen wae(re)n henrix van wynxele tot wynxele en(de) d(air) omtrint gelegen/ de welke inder pechtingen des wynnen vanden hove aldair niet begrepe(n)/ en sijn ende den vors(creven) ii p(ar)tien te gelike toebehoire(n) desgelijcx van hoe/ vele elc van hen sculd(ich) sal sijn te dragen(e) vanden co(m)me(r) en(de) rinte(n) uute(n) gheele(n)/ goeden van wynxele gaende en(de) des dair aen cleeft hebben hen de vors(creven)/ p(ar)tien verbonden in segge(re)n Te weten(e) de vors(creven) her coenrart ja(n)ne vanden/ hove sone wile(n) bauduwijns en(de) arnold kyp en(de) de vors(creven) jan van wynxele/ in woute(re)n vand(en) tymple en(de) gerardo va(n) baussele Bij also dat de vors(creven)/ seggers hen vander gelegenth(eit) selen informe(re)n aen p(ar)tien en(de) and(er)ssins/ also hen noot duncken sal en(de) hue(re) uutsprake d(air) af doen bynnen eend(er)/ maent naestcomen(de) op dat zijs eens sijn ende vand(en) punte(n) d(air) inne/ zij discordeerde(n) selen zij overdrach doen aen burgemeeste(re)n scepen(en) ende/ raide vand(er) stat om [bij] hen d(air) af als overman uutsprake te geschien/ P(ro)mitt(entes) ratu(m) kers(makere) opp(endorp) ja(nuarii) xvi