It(em) nadien dat aert va(n) vynckenbosch gevo(n)nist heeft voir/ meye(r) en(de) scepen(en) va(n) loeven(en) zeke(re) scepen(en) brieve va(n) loeven(en) sprekende/ van twee mudde corens d(er) maten va(n) loeven(en) vallen(de) alle jae(re) erflijc/ opde(n) naestlesten dach van september en(de) te loeven(en) te leve(re)n die hij/ heeft op de goede h(ier) na bescr(even) jans vand(er) vondere(n) Inden yerste(n)
//
op de woeni(n)ge mette(n) huysen hove(n) bogarde en(de) ande(re)n toebehoirten/ houdende i(½) dach(mael) gelege(n) te houdert inde p(ro)ch(ie) va(n) rode bij/ cortelke tussce(n) de(n) goede(n) wout(er) bauts ende gord de moldere/ It(em) op (½) dach(mael) lants gelege(n) op thouderschevelt tussce(n) goessen onder/ rogge ende ka(tlij)[ne(n)] andries It(em) op een dach(mael) soe lant so wij(n)g(ar)t/ gelege(n) d(air) neve(n) tussce(n) goesse(n) ouderogge ende henric beys It(em)/ op i dach(mael) bempts gelege(n) int houderschebroec tussce(n) wouter bauts en(de) jan stroeman It(em) op i boender eeussels gehete(n) golijs/ eeussel gelegen tsinte marien tielt tussce(n) der zielmissen goet/ va(n) tielt voirs(creven) en(de) henr(icke) straetman van houdert It(em) op i stuc/ bempts geheten den paddenpoel houden(de) i(½) dach(mael) oft d(air) omtr(ent)/ gelege(n) in lange(n)donc tussce(n) aert le(m)mens en(de) henric vand(er) voirt/ It(em) op i(½) dach(mael) lants gelege(n) inde voirs(creven) p(ro)ch(ie) va(n) tielt tussce(n) de(n)/ goeden der kynde(re)n gorts boudens ende de strate aldair En(de)/ tvo(n)nisse dair af wijsde datme(n) trecke(n) soude op de pande om/ oftmens bevonde te pande(n) oft and(er)s voirt te vare(n) met/ rechte Soe is de voirs(creven) aert getogen met meye(r) en(de) scepen(en)/ van loeven(en) op de(n) voirs(creven) gront aldair niet te panden en was/ Also dat midts gebreke van dien de(n) voirs(creven) gront de(n) vorg(enoemde)/ aerde van vynckenbosch voir zijn achterstel met coste ende/ co(m)me(r) van rechte dair op geloepen in handen gesedt is cor(am)/ couckeroul sampson sept(embris) xxviii