It(em) vanden gescillen die v(er)resen ende opv(er)staen zijn in e(n)niger/ manie(re)n totten dage van heden tusschen willem(me) cas geheeten/ van criefcourt in deen zijde en(de) janne andries zijne(n) wyn in/ dander zijde hebben hen de selve p(ar)tien bij raide en(de) ond(er)wijse/ van hue(re)n vrinden gesubmitteert in segge(re)n ende vrindelike iffene(re)n/ Te weten de voirs(creven) willem in willem(me) de saintpoel en(de) janne/ p(ar)theal ende de voirs(creven) jan andries in jacoppe(n) lo(m)bardeal en(de)/ ja(m)mot coulon in sulker vuegen dat de voirs(creven) segge(re)n informatie/ vanden p(ar)tien hebbende hue(re) uutsp(ra)ke hier op doen sullen by(n)ne(n)/ xiiii nachten naestcomen(de) op dat zijs eens sijn en(de) oft zijs niet/ eens geworden en consten soe sullen zij vander zaken bynne(n)/ viii dagen daer nae halen een vo(n)nisse voer de scepen(en) om/ de wijn p(ro)mitten(tes) ratu(m) cor(am) cok(eroul) sampson oct(obris) ult(ima)