Item van alsulken stoet en(de) gescille dat geweest es tusschen janne hoestoel/ als man en(de) mombore angneezen mynnemoens zijns wijfs en(de) als/ aenlegger ter eender zijden en(de) woute(re)n mynnemoens sone wilen/ wouters als verweerder ter ande(re) om der [vacat] wille gebleve(n)/ nade doot [vacat] hebben hem de/ selve p(ar)tien gesubmitteert en(de) verbonden inde eendrechtighe uutsp(ra)ke/ van hue(re)n vrienden te weten(e) de vors(creven) jan in gerard(e) van baussele secretar(is)/ der stat van loven(en) en(de) de vors(creven) wouter aen in janne vander borch den/ jonghen bij also dat de vors(creven) jan hoestoel bynnen viii daghen naestcomen(de)/ sijnen eysch in gescrifte den segger zijnder wed(er) p(ar)tien ov(er)geve(n) zal/ de welcke zijn verantweerden bynnen viii dagen dair na oic in/ gescrifte [dair op] den segge(re) des vors(creven) jans ov(er)geve(n) sal welcke zeggers/ also informacie hebben(de) in wederzijde getuygenisse hoe(re)n zullen/ op dats behoeft bynnen xiiii nachten dair na en(de) hue(re) uutsp(ra)ke/ dan dair af doen op dat zijs eens zijn bynnen viii daghen dair/ na vervolgen(de) ende ofs zijs niet eens en connen gewordden/ zullen de selve p(ar)tien bynnen viii dagen dair nae teghen/ malcande(re)n vand(er) selver saken te rechte comen voir meye(re) ende/ scepen(en) van loven(en) p(ro)mitt(entes) rat(um) sampson sande julii ix