It(em) de voirs(creven) gheert heeft de(n) voirs(creven) brief bekint tot dier meyni(n)ge(n)/ dat he(m) de voirs(creven) gerardus d(air) mede sal doen leyde(n) alst he(m) gelieft/ tot alle(n) de(n) goede(n) des voirs(creven) gheerts en(de) dare(n)tynde(n) sal d(er) beleit blive(n)/ ond(er) scepen(en) om d(air) mede bescudt en(de) v(er)antw(er)t te werde(n) de goede d(es)/ voirs(creven) gheerts en(de) he(m) jege(n) zijne(n) wille gheen ongebruyc gedaen/ mair na zijn doot heeft hij gewillecoirt dat de voirs(creven) gerardus/ de(n) goidsh(uys) vand(er) banck doe volgen hond(er)t guld(en) rijd(er)s eens t(er) salich(eit)/ van zijnd(er) ziele(n) en(de) hij heeft voirt begh(er)t dat deselve gerardus d(air)/ mede ter execucie(n) stelle alsulke(n) testament als de selve gheert voird(er)/ dan vande(n) voirs(creven) hond(er)t rijders sal moege(n) maken En(de) te des(er) (con)dicie(n)/ sele(n) de brieve ond(er) scepen(en) moete(n) blive(n) e(m)mers tot dat de voirs(creven)/ hond(er)t rijd(er)s voldaen selen wesen cor(am) eisd(em)