Item uut dien dat willem maes geheten wijtvliet man en(de) mombore jouffr(ouwe)/ katlijnen weduwe vranx wilen de nausnyde(re) versocht heeft dat/ willem de nausnyde(re) en(de) jacop scholier geleidde totten goeden des vors(creven)/ wilen vranx en(de) zijns wijfs bedwongen te worden dat zij van e(n)nige/ der selver goede vercocht zijnde guedinge souden doen also zij/ na inhebben vanden testamente des selfs wilen vranx en(de) den geloofte(n)/ bij hen dair inne gedaen sculdich wae(re)n te doene ende andries de/ nausnyde(re) met gad(er)s der vors(creven) geleidden gemeynt heeft dat also
//
niet behoe(re)nde overmits reden(en) die zij dairtoe alligeerden Ende de/ raet vand(er) stat bevonden heeft de kynnesse vanden vors(creven) testame(n)te/ en(de) den gelooften dair inne gesciet te behoe(re)n voir tgheestelijc/ gerichte Soe heeft de raet vand(er) stat p(ar)tien geremitteert ten/ gerichte dairt behoirt om elcken te volgen also hij sal bevinden/ tzijne(n) rechte dienen(de) Act(um) in pleno (con)silio aug(usti) xii