SAL7351, Akte: V°84.2 (200 van 738)
Akte V°84.2
Act
Transcriptie
2016-08-30 door fernand BERTRANDIt(em) vander aensp(ra)ken die jouffr(ouwe) m(ar)gr(iete) scrane(n) docht(er) jans de crane weduwe/
giel(ijs) wile(n) de smet gedaen heeft tot henr(icke) va(n) pede alse/
va(n) hond(er)t gulden(en) pet(er)s die de voirs(creven) jouffr(ouwe) m(ar)gr(iete) seyde dat zij/
tande(re)n tijde(n) wesen(de) in een m(er)ct tantw(er)pe(n) den voirs(creven) henr(icke) en(de) sijnd(er)/
maerte(n) hadde gedaen en(de) geleent d(air) huer de selve henr(ic) hadde/
geloeft vande(n) selve(n) hond(er)t pet(er)s vestich(eit) te doen alse uut(er) merct/
come(n) soude sijn gelijc zij boet te thoene(n) met goede(n) ma(n)ne(n)/
die d(air) bij en(de) ov(er) hadde(n) geweest kennen(de) datse d(air)op x gul(den) pet(er)s/
hadde ontfange(n) hopen(de) w(er) sijt gethoen(en) conste dat huer de/
vors(creven) henr(ic) gehoude(n) soude sijn te voldoen en(de) dat zij niet meer/
d(air)op gehadt noch ontfange(n) en hadde da(n) de vors(creven) x pet(er)s/
d(air) af boet zij hue(re)n eedt dwelc de vors(creven) henr(ic) geheelijc/
ontkinde en(de) p(rese)nteerde zijne(n) eedt dat [huer] va(n) al des hij/
niet hier te scaffen hadde gehadt hadde voldaen en(de) wel/
bet(aelt) was gewijst met dese(n) woirde(n) nae aensp(ra)ke v(er)antw(er)de(n)/
en(de) thoenisse d(er) vors(creven) m(ar)gr(iete) die huers v(er)mete volgen(de) dat de/
voirs(creven) henr(ic) gehoude(n) zijn soude der vors(creven) jouffr(ouwe) m(ar)gr(iete)/
te voldoen nae dat de wairh(eit) gedrage(n) hadde p(rese)nt(ibus)/
o(mn)ib(us) scab(inis) de(m)pto jasp(er) abs(oloens) sept(embris) xxvii
Nagekeken door: Greet Stevens , Jos Jonckheer
Moderator: Greet Stevens
Laatste update:: 2012-09-18 door Sabrina Keyaerts